Զեկ. ԹԱԹՈՒԼ ԴԱՎԹՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 18-րդ կետի, «Տեղական տուրքերի և վճարների մասին» օրենքի 8-12-րդ և 16-րդ հոդվածների պահանջներով, «Աղբահանության և սանիտարական մաքրման մասին» օրենքի 14-րդ հոդվածի դրույթներով՝ համայնքի ավագանին որոշում է.

1. Սահմանել Հայաստանի Հանրապետության Գեղարքունիքի մարզի Մարտունի համայնքում (այսուհետ՝ համայնք) 2025 թվականի համար տեղական տուրքերը և դրանց դրույքաչափերը` համաձայն հավելված №1-ի։
2. Սահմանել Հայաստանի Հանրապետության Գեղարքունիքի մարզի Մարտունի համայնքում 2025 թվականի համար տեղական վճարների տեսակները և դրանց դրույքաչափերը` համաձայն հավելված №2-ի։
3. Համայնքային ենթակայության ուսումնական հաստատություններում ուսման և ծնողների կողմից կատարվող վճարներից հարյուր տոկոսով ազատել՝
   1) Հայաստանի Հանրապետության սահմանների պաշտպանության ժամանակ զոհված կամ հաշմանդամ դարձած զինծառայողների երեխաներին.
   2) երկկողմանի ծնողազուրկ երեխաներին։
4. Համայնքային ենթակայության ուսումնական հաստատություններում ուսման և ծնողների կողմից կատարվող վճարներից հիսուն տոկոսով ազատել՝
   1) միակողմանի ծնողազուրկ երեխաներին.
   2) 1-ին կամ 2-րդ խմբի հաշմանդամ ծնող ունեցող երեխաներին.
   3) հաշմանդամություն ունեցող երեխաներին.
   4) միևնույն ուսումնական հաստատություն նույն ընտանիքից երկու և ավելի երեխաներ հաճախելու դեպքում.
   5) Լեռնային Ղարաբաղից բռնի տեղահանված և համայնքում բնակվող երեխաներին։
5. Սույն որոշման 3-րդ և 4-րդ կետերով սահմանված արտոնություններից օգտվելու կիրառման իրավունքը համապատասխան փաստաթղթերի առկայության դեպքում վերապահել համայնքի ղեկավարին։
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2025 թվականի հունվարի 1-ից ծագած հարաբերությունների վրա։