|
28.04.25
Հաստատվել են «Խելացի» անասնաշենքերի կառուցման, տավարաբուծության և բուսաբուծության աջակցության ծրագրերը
|
|
Գյուղատնտեսությամբ զբաղվող հարգելի՛ տնտեսվարողներ, ՀՀ կառավարության 10 ապրիլի 2025 թվականի N 419-Լ որոշմամբ հաստատվել են «Խելացի» անասնաշենքերի կառուցման կամ վերակառուցման և դրանց տեխնոլոգիական ապահովման աջակցության 2025-2028 թվականների ծրագիրը և Հայաստանի Հանրապետությունում 2025-2029 թվականների տավարաբուծության զարգացման ծրագիրը, իսկ ՀՀ կառավարության 27 մարտի 2025 թվականի N 356–Լ որոշմամբ հաստատվել է Բուսաբուծության աջակցության 2025 թվականի ծրագիրը։ Ծրագրերի մանրամասներին կարելի է ծանոթանալ հետևյալ հղումներով․https://www.e-gov.am/gov-decrees/item/44371/, https://mineconomy.am/page/3288Վերոնշյալ ծրագրերի սեղմագրերի հղումները․ՍԵՂՄԱԳԻՐ բուսաբուծության աջակցության ծրագրի՝ ...
Մանրամասն |
|
|
25.04.25
Մարտունի քաղաքում նախատեսված հանրային լսման վերաբերյալ
|
Մարտունի համայնքի հարգելի՛ բնակիչներ, տեղեկացնում ենք, որ 2025 թվականի ապրիլի 30-ին`ժամը 11։00-ին, Մարտունու համայնքապետարանի շենքում տեղի կունենա հանրային լսում՝ 2026 թվականի սուբվենցիոն հայտերում ընդգրկվող ծրագրերի վերաբերյալ։ Սուբվենիցոն ծրագրերն ուղղված են համայնքի սոցիալ-տնտեսական ենթակառուցվածքների զարգացմանը։ Ակնկալում ենք բնակիչների ակտիվ մասնակցությունը։ |
|
|
25.04.25
Կանցկացվեն ՀՀ քաղաքացու օրվան նվիրված միջոցառումներ
|
Հարգելի՛ մարտունեցիներ, ապրիլի 26-ին Մարտունի համայնքում կանցկացվեն ՀՀ քաղաքացու օրվան նվիրված միջոցառումներ․ - Ժամը 12։00-ին, Մարտունի քաղաքի մշակույթի կենտրոնում՝ բանախոսություն քաղաքացի և պետություն հարաբերությունների վերաբերյալ և մշակութային միջոցառում
- Ժամը 13։30-ին, Մարտունի քաղաքի «Մարտունու մանկական արվեստի դպրոց» ՀՈԱԿ-ի բակում՝ սաների թեմատիկ նկարների ցուցադրություն
- Ժամը 15։00-ին, Ծովասարի մշակույթի կենտրոնում՝ բանախոսություն քաղաքացի և պետություն հարաբերությունների վերաբերյալ, մշակութային միջոցառում և ծառատունկ
Մուտքն ազատ է։ |
|
|
24.04.25
Մարտունի համայնքում կայացավ քայլերթ՝ ի հիշատակ Հայոց մեծ եղեռնի անմեղ զոհերի
|
Այսօր՝ ապրիլի 24-ին, Մարտունու հասարակությունը՝ ի հիշատակ Մեծ եղեռնի անմեղ զոհերի, կատարեց քայլերթ դեպի Մարտունու Սուրբ Աստվածածին եկեղեցի, ծաղկներ խոնարհեց հուշարձան-խաչքարին, ապա մասնակցեց հոգևոր այրերի կողմից եկեղեցում կատարած բարեխոսության կարգին: Երթին մասնակցում էին Մարտունի համայնքի ղեկավար Հովհաննես Հովեյանը, Մարտունու համայնքապետարանի, Մարտունի համայնքի ավագանու, ուժային կառույցների, ՀՈԱԿ-ների, կրթական, բժշկական հաստատությունների ներկայացուցիչներ, ինչպես նաև ազատագրական պայքարի մասնակիցներ, ծնողներ և քաղաքացիական այլ անձինք։ |
|
|
22.04.25
Ապրիլի 24-ին Մարտունի համայնքում տեղի կունենա քայլերթ
|
|
Հարգելի՛ մարտունեցիներ, ապրիլի 24-ին՝ ժամը 11:00-ին, Մարտունու համայնքապետարանի բակից դեպի Մարտունու Սուրբ Աստվածածին եկեղեցի տեղի կունենա քայլերթ՝ նվիրված Հայոց ցեղասպանության զոհերի հիշատակին: Այնուհետև եկեղեցում միասին ներկա կլինենք Հայոց ցեղասպանության նահատակ սրբերի բարեխոսության կարգին:
|
|
|
21.04.25
Հարցման միջոցով էներգաարդյունավետության վերաբերյալ իրազեկության գնահատում
|
Հարգելի՛ բնակիչներ, ՀՀ քաղաքաշինության կոմիտեի, Ասիական զարգացման բանկի և Կորեայի Հանրապետության էկոնոմիկայի և ֆինանսների նախարարության համագործակցությամբ մեկնարկել է «Հայաստանի կանաչ քաղաքաշինություն էներգաարդյունավետության զարգացում շենքերում» ծրագիրը, որի շրջանակում Կորեայի փորձագետներն իրականացնում են Հայաստանում էներգաարդյունավետության վերաբերյալ իրազեկության գնահատում։ Խնդրվում է մինչև ապրիլի 24-ը մասնակցել հարցմանը՝ անցնելով ստորև ներկայացված հղմամբ՝ https://shorturl.at/U9Yge |
|
|
21.04.25
Ցուցահանդես-մրցույթին մասնակցության հրավեր
|
ՀՀ Գեղարքունիքի մարզի Մարտունի համայնքի «Մարտունու մանկական արվեստի դպրոց» ՀՈԱԿ-ը անցկացնում է ցուցահանդես-մրցույթ՝ նվիրված հունիսի 1-ին նշվող Երեխաների պաշտպանության միջազգային օրվան։ Մրցույթին կարող են մասնակցել Մարտունի համայնքի բոլոր հանրակրթական դպրոցների սաները՝ 6-ից 10 և 11-ից 18 տարիքային խմբերում: Նկարի չափսերը՝ A3 ֆորմատի: Ժյուրիի կողմից ընտրված աշխատանքները կարժանանան 1-ին, 2-րդ և 3-րդ կարգի վկայականների և մրցանակների։ Աշխատանքները ներկայացնել մինչև Մայիսի 10-ը։ Հարցերի դեպքում զանգահարել 077785250, 093820958 հեռախոսահամարներով։ |
|
|
21.04.25
ՀՀ կառավարության կողմից հաստատված տավարաբուծության ծրագրերի մասին
|
|
Գյուղատնտեսությամբ զբաղվող հարգելի՛ բնակիչներ, ձեզ ենք տրամադրում Հայաստանի Հանրապետության կառավարության կողմից հաստատված
««Խելացի» անասնաշենքերի կառաուցման կամ վերակառուցման և դրանց տեխնոլոգիական ապահովման աջակցության 2025-2028 թվականների» ծրագիրը և «Հայաստանի Հանրապետությունում 2025-2029 թվականների տավարաբուծության զարգացման» ծրագիրը։ Փաստաթղթի հղումը՝ https://shorturl.at/o9mmV
|
|
| 1 2 3 4 5 6 7 8 9 10 ... |