|
06.12.24
Մարտունի համայնքի ճանապարհներն ազատվում են չշահագործվող տրանսպորտային միջոցների թափքերից և խոչընդոտող այլ առարկաներից
|
|
Մարտունու համայնքապետարանի կողմից իրականացվում են համայնքի տարածքում ընդհանուր օգտագործման ավտոմոբիլային ճանապարհների երթևեկամասի և կողնակների վրա գտնվող չշահագործվող տրանսպորտային միջոցների, դրանց թափքերի, մեխանիզմների, կողմնակի առարկաների, շինարարական նյութերի, շինարարական և կենցաղային աղբի համապատասխան վայրեր տեղափոխման աշխատանքներ։ Վերոհիշյալ աշխատանքների արդյունքում համայնքային նշանակության ճանապարհների (փողոցների) տարածքներից հեռացվել և համապատասխան վայրեր են տեղափոխվել թվով 62 շահագործումից դուրս եկած թափք, ինչպես նաև շինարարական նյութեր և աղբ։ Աշխատանքները կրում են շարունակական բնույթ։ Հարգելի՛ քաղաքացիներ, մաքուր պահելով համայնքի ճանապարհները՝ մենք նպաստում ենք ...
Մանրամասն |
|
|
05.12.24
Հիշեցում գույքահարկի վերաբերյալ
|
Հարգելի՛ քաղաքացիներ, հիշեցնում ենք, որ ընթացիկ տարվա անշարժ գույքի հարկի և փոխադրամիջոցների հարկի հարկային պարտավորությունների կատարման վերջնաժամկետն է դեկտեմբերի 1֊ը ներառյալ, որից հետո կհաշվարկվեն նաև տույժեր ժամկետանց յուրաքանչյուր օրվա համար 0,04%֊ի չափով։ Հորդորում ենք սեղմ ժամկետում կատարել վերոհիշյալ պարտավորությունները` տույժերից խուսափելու համար։ |
|
|
04.12.24
Մարտունու համայնքապետարանում անցկացվեց գործակարգավարական խորհրդակցություն
|
Դեկտեմբերի 2-ին ՀՀ Գեղարքունիքի մարզի Մարտունի համայնքի ղեկավար Հովհաննես Հովեյանն աշխատակազմի քարտուղարի, բաժնի պետերի, համայնքի ղեկավարի տեղակալի, օգնականների և խորհրդականների հետ անցկացրեց գործակարգավարական խորհրդակցություն։ Քննարկվեցին համայնքի եկամուտների հավաքագրման, սուբվենցիոն ծրագրերի իրականացման ընթացքի և տարեվերջյան աշխատանքների վերաբերյալ հարցեր։ Առաջիկա աշխատանքների մասով կատարվեցին հստակեցումներ, բաժնի պետերը համայնքի ղեկավարի կողմից ստացան հանձնարարականներ։ |
|
|
03.12.24
Մարտունի համայնքում կանցկացվեն սեյսմապաշտպանության միջոցառումներ
|
1988 թվականի աղետալի երկրաշարժի զոհերի հիշատակի օրվա 36-րդ տարելիցի կապակցությամբ ՀՀ ՆԳՆ «Սեյսմիկ պաշտպանության տարածքային ծառայություն» ՊՈԱԿ-ի մասնագետների կողմից նախատեսված է Մարտունի համայնքում իրականացնել ուսուցողական միջոցառումներ։ Միջոցառման ժամանակացույցը, անցկացման վայրը, անվանումը՝ 1) 09․12․2024-ին՝ ժամը 11։00-ին – Մարտունու համայնքապետարան՝ դասախոսություն ղեկավար աշխատողների համար «Սեյսմիկ ռիսկի նվազեցման նպատակով ուսուցում-քննարկում»; 2) 09․12․2024-ին՝ ժամը 12։30-ին – Երանոս բնակավայրի վարչական շենք՝ Երանոսի բնակիչների համար «Սեյսմիկ ռիսկի նվազեցման նպատակով ուսուցում-քննարկում» դասախոսություն |
|
|
02.12.24
Ամանորյա տոների կապակցությամբ բացօթյա վաճառք կազմակերպելու նպատակով տարածքներ տրամադրելու մասին որոշում
|
|
Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի պահանջով՝ ՀՀ Գեղարքունիքի մարզի Մարտունի համայնքի ղեկավարի կողմից կայացվել է որոշում՝ ամանորյա տոների կապակցությամբ բացօթյա վաճառք կազմակերպելու նպատակով տարածքներ տրամադրելու վերաբերյալ. 2024 թվականի դեկտեմբերի 1-ից մինչև դեկտեմբերի 31-ն ընկած ժամանակահատվածում ամանորյա տոների կապակցությամբ Մարտունի քաղաքի Մյասնիկյան փողոցի վրա՝ Մարտունու երաժշտական դպրոցի և կինոյի տան հարակից տարածքներում թույլատրել իրականացնել բացօթյա վաճառք: Վերոնշյալ տարածքներից դուրս, ոչ սահմանված վայրերում առևտրով զբաղվող անձանց նկատմամբ կձեռնարկվեն համապատասխան վարչարարության միջոցներ և օրենքով սահմանված ...
Մանրամասն |
|
|
28.11.24
Ընթանում են ավտոճանապարհների ձնամաքրման աշխատանքներ
|
Գեղարքունիքի մարզի Մարտունու տարածաշրջանում նոյեմբերի 27-ի լուսադեմից սկսած իրականացվում են ավտոճանապարհների ձնամաքրման և աղ-ավազով մշակման աշխատանքներ։ Նոյեմբերի 28-ի դրությամբ այստեղ ճանապարհներն ամբողջությամբ բաց են և երթևեկելի։ Նոյեմբերի 28-ի դրությամբ Վարդենյաց լեռնանցքում շարունակվում են ավտոճանապարհների մաքրման և աղ-ավազով մշակման աշխատանքները։ Ու թեև ավտոճանապարհների առանձին հատվածներում առկա է մերկասառույց, սակայն այստեղ ևս ճանապարհները բաց են և երթևեկելի։ |
|
|
27.11.24
ՀՀ Մարդու իրավունքների պաշտպանը հանդիպել է Մարտունի համայնքի ղեկավար Հովհաննես Հովեյանի հետ
|
|
Նոյեմբերի 26-ին Գեղարքունիքի մարզ կատարած աշխատանքային այցի շրջանակում ՀՀ Մարդու իրավունքների պաշտպան Անահիտ Մանասյանը հանդիպել է Մարտունի համայնքի ղեկավար Հովհաննես Հովեյանի հետ: Նա ՖԲ իր էջում կատարել է գրառում․«Համայնքի ղեկավարի հետ քննարկել ենք Մարտունի համայնքում առկա մարդու իրավունքներին վերաբերելի խնդիրները, ինչպես նաև սոցիալ-տնտեսական հիմնահարցերը: Ընդգծել եմ մարզպետների, համայնքների ղեկավարների հետ արդյունավետ աշխատանքի կարևորությունը, ինչի արդյունքում արձանագրված մի շարք խնդիրներ կարող են ստանալ և հաճախ ստանում են արագ լուծումներ: Մարզերի բնակիչների իրավունքների պաշտպանությունն իմ աշխատանքի կարևոր ուղղություններից է: Տարբեր բնակավայրեր իրականացվող այցերի շրջանակում ...
Մանրամասն |
|
|
26.11.24
Հորդոր վարորդներին. երթևեկեք բացառապես ձմեռային անվադողերով
|
|
Հարգելի՛ վարորդներ, հյուսիս-արևմուտքից հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ, իսկ լեռնային ու նախալեռնային գոտիներում ու Երևանի բարձրադիր հատվածում տեղումները լինելու են ձյան տեսքով։ Հորդորում ենք հատկապես բարձրադիր բնակավայրեր ուղևորվելիս երթևեկել բացառապես ձմեռային անվադողերով, խստորեն պահպանել ճանապարհային երթևեկության կանոնները: Մաղթում ենք անվտանգ երթևեկություն։
|
|
| 1 2 3 4 5 6 7 8 9 10 ... |