Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 18-րդ կետի, «Տեղական տուրքերի և վճարների մասին» Հայաստանի Հանրապետության օրենքի 8-12-րդ և 16-րդ հոդվածների պահանջներով, «Աղբահանության և սանիտարական մաքրման մասին» Հայսատանի Հանրապետության օրենքի դրույթներով՝

1. Սահմանել Հայաստանի Հանրապետության Գեղարքունիքի մարզի Մարտունի համայնքում (այսուհետ՝ համայնք) տեղական տուրքերը և դրանց դրույքաչափերը 2023 թվականի համար` համաձայն հավելված №1-ի։
2. Սահմանել Հայաստանի Հանրապետության Գեղարքունիքի մարզի Մարտունի համայնքում տեղական վճարների տեսակները և դրանց դրույքաչափերը 2023 թվականի համար` համաձայն հավելված №2-ի։
3. Ուսման և ծնողների կողմից կատարվող վճարներից հարյուր տոկոսով ազատել՝
   3.1. Հայաստանի Հանրապետության սահմանների պաշտպանության ժամանակ զոհված կամ հաշմանդամ դարձած զինծառայողների երեխաներին․
   3.2. երկկողմանի ծնողազուրկ երեխաներին։
4. Ուսման և ծնողների կողմից կատարվող վճարներից հիսուն տոկոսով ազատել՝
   4.1. միակողմանի ծնողազուրկ երեխաներին.
   4.2. 1-ին կամ 2-րդ խմբի հաշմանդամ ծնող ունեցող երեխաներին.
   4.3. հաշմանդամություն ունեցող երեխաներին.
   4.4. միևնույն ուսումնական հաստատություն նույն ընտանիքից երկու և ավելի երեխաներ հաճախելու դեպքում։
5. Համապատասխան փաստաթղթերի առկայության դեպքում զեղչերից օգտվելու կիրառման իրավունքը վերապահել համայնքի ղեկավարին:
6. Սույն որոշումն ուժի մեջ է մտնում 2023 թվականի հունվարի 1-ից: