Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետի և 90-րդ հոդվածի, «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետի պահանջներով, հիմք ընդունելով Հայաստանի Հանրապետության կառավարության 04.05.2017 թվականի N526-Ն որոշման 23-րդ կետի 5-րդ ենթակետի դրույթները, «Մարտունի համայնքի թիվ 1 կոմունալ սպասարկում և բարեկարգում» համայնքային ոչ առևտրային կազմակերպության տնօրենի 29.08.2024 թվականի թիվ 18 գրությունը, ինչպես նաև հաշվի առնելով աղբատար մեքենաների անսարքության արդյունքում Մարտունի համայնքում ստեղծված սանիտարահիգիենիկ իրավիճակը՝ համայնքի ավագանին որոշում է.
- Հայաստանի Հնարապետության Գեղարքունիքի մարզի Մարտունի համայնքի 2024 թվականի բյուջեի պահուստային ֆոնդից ընդամենը 12460.0 հազար դրամ հատկացնել համայնքի 2024 թվականի բյուջեի ֆոնդային մաս: Բյուջեի ծախսային մասում նշված գումարը հատկացնել.
1) բյուջետային ծախսերի գործառնական դասակարգման «Բնակարանային շինարարություն և կոմունալ ծառայություն» նախահաշվի 5129 հոդվածին 7960.0 հազար դրամ՝ համայնքի թիվ 1 և թիվ 2 կոմունալ սպասարկում և բարեկարգում ՀՈԱԿ-ների կարիքների համար մեքենասարքավորումներ ձեռք բերելու նպատակով.
2) բյուջետային ծախսերի գործառնական դասակարգման «Կեղտաջրերի հեռացում» նախահաշվի 5113 հոդվածին 4500.0 հազար դրամ՝ Մարտունի քաղաքի Նարեկացու փողոցի մի հատվածի կոյուղագծերի վերանորոգման նպատակով։
- Տալ համաձայնություն գնման ընթացակարգերը կազմակերպել մեկ անձից:
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|