Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետի պահանջով՝ համայնքի ավագանին որոշում է.
- Հայաստանի Հանրապետության Գեղարքունիքի մարզի Մարտունի համայնքի 2025 թվականի բյուջեում կատարել հետևյալ փոփոխությունները՝
1) Վարչական բյուջեի եկամտային մասն ավելացնել 40680,0 հազար դրամով, այդ թվում՝
ա. hամայնքի բյուջե մուտքագրվող անշարժ գույքի հարկի տողն ավելացնել 16304,0 հազար ՀՀ դրամով,
բ. hամայնքի բյուջե մուտքագրվող հողի հարկ համայնքի վարչական տարածքում գտնվող հողի համար տողն ավելացնել 8250,0 հազար ՀՀ դրամով,
գ. գույքահարկ փոխադրամիջոցների համար տողն ավելացնել 15700,0 հազար ՀՀ դրամով։
2) Վարչական բյուջեի ծախսային մասն ավելացնել 40680,0 հազար դրամով և հատկացնել «Նախադպրոցական կրթություն» նախահաշվին: Ընդ որում 4511 տնտեսագիտական հոդվածին ավելացնել 32180,0 հազար դրամ, 4269 տնտեսագիտական հոդվածին՝ 6500,0 հազար դրամ, 4261 տնտեսագիտական հոդվածին՝ 2000,0 հազար դրամ:
3) «Ճանապարհային տրանսպորտ» նախահաշվի 5112 հոդվածից պակասեցնել 10250,0 հազար դրամ և հատկացնել՝
ա. «Մշակույթի կենտրոններ» նախահաշվի 5134 տնտեսագիտական հոդվածին 2300.0 հազար դրամ՝ նախագծահետազոտական ծախսեր կատարելու նպատակով,
բ. «Գազերի գծերի կառուցում» նախահաշվի 5134 տնտեսագիտական հոդվածին 150.0 հազար դրամ՝ նախագծահետազոտական ծախսեր կատարելու նպատակով,
գ. «Պաշտպանություն» նախահաշվի 5129 տնտեսագիտական հոդվածին 2000,0 հազար դրամ՝ համայնքի կարիքների համար ազդարարման շչակներ գնելու նպատակով,
դ. «Բնակարանային շինարարություն» նախահաշվի 5129 տնտեսագիտական հոդվածին 5800.0 հազար դրամ՝ համայնքի կարիքների համար T-170 մակնիշի բուլդոզեր գնելու նպատակով։ Թույլատրել համայնքի ղեկավարին գնում կատարել մեկ անձից:
4) Մարտունի համայնքի 2025 թվականի բյուջեի պահուստային ֆոնդից 48000.0 հազար դրամ հատկացնել «Նախադպրոցական կրթություն» նախահաշվի 4511 տնտեսագիտական հոդվածին՝ համայնքի Աստղաձոր, Ծովասար և Երանոս բնակավայրերում նոր բացվող մանկապարտեզների գործունեությունն ապահովելու նպատակով:
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|