|
24.04.25
Մարտունի համայնքում կայացավ քայլերթ՝ ի հիշատակ Հայոց մեծ եղեռնի անմեղ զոհերի
|
Այսօր՝ ապրիլի 24-ին, Մարտունու հասարակությունը՝ ի հիշատակ Մեծ եղեռնի անմեղ զոհերի, կատարեց քայլերթ դեպի Մարտունու Սուրբ Աստվածածին եկեղեցի, ծաղկներ խոնարհեց հուշարձան-խաչքարին, ապա մասնակցեց հոգևոր այրերի կողմից եկեղեցում կատարած բարեխոսության կարգին: Երթին մասնակցում էին Մարտունի համայնքի ղեկավար Հովհաննես Հովեյանը, Մարտունու համայնքապետարանի, Մարտունի համայնքի ավագանու, ուժային կառույցների, ՀՈԱԿ-ների, կրթական, բժշկական հաստատությունների ներկայացուցիչներ, ինչպես նաև ազատագրական պայքարի մասնակիցներ, ծնողներ և քաղաքացիական այլ անձինք։ |
|
|
22.04.25
Ապրիլի 24-ին Մարտունի համայնքում տեղի կունենա քայլերթ
|
|
Հարգելի՛ մարտունեցիներ, ապրիլի 24-ին՝ ժամը 11:00-ին, Մարտունու համայնքապետարանի բակից դեպի Մարտունու Սուրբ Աստվածածին եկեղեցի տեղի կունենա քայլերթ՝ նվիրված Հայոց ցեղասպանության զոհերի հիշատակին: Այնուհետև եկեղեցում միասին ներկա կլինենք Հայոց ցեղասպանության նահատակ սրբերի բարեխոսության կարգին:
|
|
|
21.04.25
Հարցման միջոցով էներգաարդյունավետության վերաբերյալ իրազեկության գնահատում
|
Հարգելի՛ բնակիչներ, ՀՀ քաղաքաշինության կոմիտեի, Ասիական զարգացման բանկի և Կորեայի Հանրապետության էկոնոմիկայի և ֆինանսների նախարարության համագործակցությամբ մեկնարկել է «Հայաստանի կանաչ քաղաքաշինություն էներգաարդյունավետության զարգացում շենքերում» ծրագիրը, որի շրջանակում Կորեայի փորձագետներն իրականացնում են Հայաստանում էներգաարդյունավետության վերաբերյալ իրազեկության գնահատում։ Խնդրվում է մինչև ապրիլի 24-ը մասնակցել հարցմանը՝ անցնելով ստորև ներկայացված հղմամբ՝ https://shorturl.at/U9Yge |
|
|
21.04.25
Ցուցահանդես-մրցույթին մասնակցության հրավեր
|
ՀՀ Գեղարքունիքի մարզի Մարտունի համայնքի «Մարտունու մանկական արվեստի դպրոց» ՀՈԱԿ-ը անցկացնում է ցուցահանդես-մրցույթ՝ նվիրված հունիսի 1-ին նշվող Երեխաների պաշտպանության միջազգային օրվան։ Մրցույթին կարող են մասնակցել Մարտունի համայնքի բոլոր հանրակրթական դպրոցների սաները՝ 6-ից 10 և 11-ից 18 տարիքային խմբերում: Նկարի չափսերը՝ A3 ֆորմատի: Ժյուրիի կողմից ընտրված աշխատանքները կարժանանան 1-ին, 2-րդ և 3-րդ կարգի վկայականների և մրցանակների։ Աշխատանքները ներկայացնել մինչև Մայիսի 10-ը։ Հարցերի դեպքում զանգահարել 077785250, 093820958 հեռախոսահամարներով։ |
|
|
21.04.25
ՀՀ կառավարության կողմից հաստատված տավարաբուծության ծրագրերի մասին
|
|
Գյուղատնտեսությամբ զբաղվող հարգելի՛ բնակիչներ, ձեզ ենք տրամադրում Հայաստանի Հանրապետության կառավարության կողմից հաստատված
««Խելացի» անասնաշենքերի կառաուցման կամ վերակառուցման և դրանց տեխնոլոգիական ապահովման աջակցության 2025-2028 թվականների» ծրագիրը և «Հայաստանի Հանրապետությունում 2025-2029 թվականների տավարաբուծության զարգացման» ծրագիրը։ Փաստաթղթի հղումը՝ https://shorturl.at/o9mmV
|
|
|
20.04.25
Դպրոցականների հանդիպումը ռազմական ակադեմիայի բարձրաստիճան զինվորականների հետ
|
|
ՀՀ ՊՆ Վ.Սարգսյանի անվան ռազմական ակադեմիայի բարձրաստիճան զինվորականները հանդիպում են անցկացրել Մարտունի համայնքի ավագ տարիքի դպրոցականների հետ։ ՀՀ ՊՆ Վազգեն Սարգսյանի անվան ռազմական ակադեմիայի ռազմական իրավունքի և առաջնորդության ամբիոնի պետ Հարություն Մանուկյանը ապրիլի 17-ին հանդիպում է ունեցել Գեղարքունիքի մարզի Մարտունի համայնքի դպրոցների տնօրենների, ՆԶՊ առարկան դասավանդող ուսուցիչների և բարձր դասարանների աշակերտների հետ։ Հանդիպմանը մասնակցել են ՀՀ Գեղարքունիքի մարզպետի տեղակալ Ջանիկ Բազեյանը, Մարտունի համայնքի ղեկավարի տեղակալ Արմեն Շահինյանը, մարզպետի աշխատակազմի ԿՄՍ վարչության և համայնքապետարանի պատասխանատու աշխատակիցներ։ Հանդիպման նպատակը աշակերտների շրջանում ռազմական գործի և ...
Մանրամասն |
|
|
19.04.25
Ապրիլի 19-ը նշվում է որպես Հարկ վճարողի օր
|
Ապրիլի 19-ը Հարկ վճարողի օրն է։ Այսօր շնորհավորում ենք բոլոր նրանց, ովքեր իրենց աշխատանքով և պարտաճանաչությամբ նպաստում են երկրի առաջընթացին։ Ձեր վճարած հարկերի շնորհիվ հնարավոր է դառնում կառուցել ավելի ուժեղ, ապահով և զարգացող Հայաստան։ Հարկ վճարելը ոչ միայն պատասխանատվություն է, կարգապահություն և անհրաժեշտություն, այլև ներդրում՝ մեր երկրի ապագայի համար, ի վերջո ՍԵՐ է առ Հայրենիք։
Այսօրվա վճարած հարկերը կառուցում են վաղվա Հայաստանը։ |
|
|
19.04.25
Առաջիկայում Սուրբ Հարության տոնն է՝ սբ․ Զատիկը
|
|
Մարտունի համայնքի հարգելի՛ բնակիչներ, սիրելի՛ հավատավոր ժողովուրդ,
Հիսուս Քրիստոսի հրաշափառ Հարության տոնը, որը կոչվում է նաև Զատիկ, Հայ Առաքելական Ս. եկեղեցու հինգ տաղավար տոներից մեկն է: Այս տարի, Սուրբ Հարության տոնին նախընթաց՝ ապրիլի 19-ին՝ ժամը 17:30-ին, Մարտունի քաղաքի Սուրբ Աստվածածին եկեղեցում մատուցվելու է Ճրագալույցի Սուրբ պատարագ։ Ապրիլի 20-ին՝ Զատիկի տոնի առավոտյան ժամը 10։30-ին մատուցվելու է Զատկական Սուրբ Պատարագ։
|
|
| 1 2 3 4 5 6 7 8 9 10 ... |