Հարգելի՛ գյուղատնտեսներ,
կառավարությունը հաստատել է աշնանացան ցորենի խթանման ծրագիրը!
Աշնանացան ցորենի 1 հա-ի մշակության ծախսերի մասնակի փոխհատուցումը կնպաստի ֆերմերների եկամուտների ավելացմանը, ցորենի հասանելիության և մատչելիության ապահովմանը։ ՀՀ բոլոր մարզերում՝ բացառությամբ Արմավիրի և Արարատի մարզերի, մինչև 100 հա մակերեսով ցորենի ցանքատարածություններ մշակող գյուղացիական տնտեսություններին մասնակի կփոխհատուցվի աշնանացան ցորենի մշակության ծախսերը:
- 1 հա հավաստագրված սերմով ցանքի դեպքում կփոխհատուցվի 120,0 հազար դրամ,
- 1 հա չհավաստագրված սերմով ցանքի դեպքում՝ 70,0 հազար դրամ։
Փոխհատուցման գործընթացը կիրականացնեն համայնքները՝ ցանքը կատարելուց և մոնիթորինգի դրական եզրակացությունից հետո։ Բերքատվության բարձրացում և եկամուտների ավելացումը հնարավոր է, եթե իրականցվում է ցանքաշրջանառություն, օգտագործվում են հավաստագրված սերմեր, իսկ բերքահավաքն իրականացվում է բարձր արտադրողականությամբ գյուղ. տեխնիկայով:
Մասնակցության համար շահառուները մինչև 2022 թվականի հոկտեմբերի 15-ը պետք է դիմեն համայնքի, կամ բնակավայրի վարչական ղեկավարին։
Ծրագրին մանրամասն կարող եք ծանոթանալ՝ ներբեռնելով կից ֆայլը։