Ղեկավարվելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքով, հիմք ընդունելով Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N912-Ն որոշմամբ հաստատված կարգի 34-րդ կետի, 35-րդ կետի «գ» և «դ» ենթակետերի պահանջները, Հայաստանի Հանրապետության կառավարության 2020 թվականի հունիսի 4-ի N1023-Ն որոշումը, Ջիվան Ջիվանի Գասպարյանի դիմումը՝ որոշում եմ.
1.Հայաստանի Հանրապետության Գեղարքունիքի մարզի Մարտունի համայնքի Ծակքար բնակավայր, 4-րդ փողոց, թիվ 1/2 հասցեի 05-045-0014-0172 կադաստրային ծածկագրով 0.012 հա մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասը և նրա վրա կառուցված 67,96 քմ արտաքին մակերեսով բնակելի տունը (ներքին մակերեսը՝ 50,47 քմ, կառուցված՝ 2018 թվականին, հիմք՝ անշարժ գույքի նկատմամբ իրավունքների պետական գրանցման վկայական N 08052024-05-0050) ուղղակի վաճառքով օտարել ինքնակամ կառույցն իրականացրած անձ Ջիվան Ջիվանի Գասպարյանին (ծնված՝ 03.01.1994 թվականին):
2.Ջիվան Գասպարյանին` վճարել բնակելի տան արժեքը` 67.96x10000x0,1028=69863 (վաթսունինը հազար ութ հարյուր վաթսուներեք) Հայաստանի Հանրապետության դրամ և հողամասի արժեքը՝ 120x792=95040 (իննսունհինգ հազար քառասուն) Հայաստանի Հանրապետության դրամ, ընդամենը՝ 164903 (հարյուր վաթսունչորս հազար ինը հարյուր երեք) Հայաստանի Հանրապետության դրամ:
3.Սույն որոշման կատարման հսկողությունը դնել համայնքապետարանի աշխատակազմի քաղաքաշինության և հողաշինության բաժնի պետ Հակոբ Մնացականյանի վրա:
4.Սույն որոշումն ուժի մեջ է մտնում պաշտոնական հրապարակմանը հաջորդող օրվանից: