Ղեկավարվելով Հայաստանի Հանրապետության հողային օրենսգրքի 56-րդ հոդվածի 5-րդ մասի, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 29-րդ կետի պահանջներով, հիմք ընդունելով Հայաստանի Հանրապետության քաղաքաշինության կոմիտեի նախագահի 2023 թվականի մայիսի 22-ի №04-Ն հրամանով հաստատված ՀՀՇՆ 30-01-23 «Քաղաքաշինություն. քաղաքային և գյուղական բնակավայրերի հատակագծում և կառուցապատում» շինարարական նորմերի 128-րդ կետը՝ համայնքի ավագանին որոշում է.

1. Տալ համաձայնություն՝
   1) Կարեն Սամվելի Հովհաննիսյանի կողմից Մարտունի համայնքի Մարտունի քաղաքի Գ․ Զիրոյան փողոց, թիվ 35 հասցեում գտնվող իր խառը կառուցապատման հողամասի սահմանագծով համայնքային սեփականություն հանդիսացող տարածքի (հողամասի) սահմանին կից ինքնակամ կառուցած հյուրանոց-ավտոսպասարկման կետի 2-րդ հարկն օրինականացնելու համար.
   2) Համլետ Սոսիկի Վարդանյանի կողմից Մարտունի համայնքի Վաղաշեն բնակավայրի 1-ին փողոց, 2-րդ նրբանցք, թիվ 2 հասցեում գտնվող իր բնակելի կառուցապատման հողամասի սահմանագծով համայնքային սեփականություն հանդիսացող տարածքի (հողամասի) սահմանին կից ինքնակամ կառուցած շինություններն օրինականացնելու համար.
   3) Մարտիկ Ռաֆիկի Մանուկյանի կողմից Մարտունի համայնքի Ծովինար բնակավայրի 2-րդ թաղամասի 4-րդ փողոց, թիվ 10 հասցեում գտնվող իր բնակելի կառուցապատման հողամասի սահմանագծով համայնքային սեփականություն հանդիսացող տարածքի (հողամասի) սահմանին կից ինքնակամ կառուցած շինություններն օրինականացնելու համար:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: