Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, «Նորմատիվ իրավական ակտերի մասին օրենքի» 37-րդ հոդվածի պահանջներով՝ համայնքի ավագանին որոշում է.

1. Համաձայնություն տալ Հայաստանի Հանրապետության Գեղարքունիքի մարզի Մարտունի համայնքի Ծակքար բնակավայրի 2-րդ փողոց, 2-րդ նրբանցք, թիվ 2 հասցեում գտնվող 05-045-0046-0002 կադաստրային ծածկագրով 0.1236 հա մակերեսով համայնքային սեփականություն հանդիսացող բնակավայրերի նպատակային նշանակության հասարակական կառուցապատման գործառնական նշանակության հողամասը նվիրաբերել Հայաստանի Հանրապետությանը՝ բժշկական ամբուլատորիա կառուցելու նպատակով։
2. Ուժը կորցրած ճանաչել Մարտունի համայնքի ավագանու 2023 թվականի փետրվարի 24-ի «Հայաստանի Հանրապետության Գեղարքունիքի մարզի Մարտունի համայնքի Ծակքար բնակավայրի 1-ին փողոց, թիվ 18 հասցեում գտնվող 05-045-0010-0207 ծածկագրով հողատարածքը Հայաստանի Հանրապետությանը նվիրելու համաձայնություն տալու մասին» №19-Ա որոշումը։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: