Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների պահանջներով՝

1. Հայաստանի Հանրապետության Գեղարքունիքի մարզի Մարտունի համայնքի ավագանու 2023 թվականի փետրվարի 24-ի «Հայաստանի Հանրապետության Գեղարքունիքի մարզի Մարտունի համայնքի 2023 թվականի տարեկան աշխատանքային պլանը հաստատելու մասին» №30-Ա որոշմամ մեջ կատարել հետևյալ լրացումը՝ որոշմամբ հաստատված տարեկան աշխատանքային պլանի 2-րդ գլխում «Համայնքի 2023 թ. այն ծրագրերը, որոնք ապահովված չեն համապատասխան ֆինանսական միջոցներով» աղյուսակը լրացնել 5-րդ կետով՝ հետևյալ բովանդակությամբ՝
   « 

   5․

   Մարտունի համայնքի «Մարտունի ԲԿ»-ի բժշկական լաբորատորիայի արդիականացում։

   Բարելավել «Մարտունի ԲԿ»-ի կողմից մատուցվող  ծառայությունների հասանելիությունը, որակը և բարձրացնել մարդու արյան  հետազոտությունների վերլուծման ճշգրտությունը՝ նորագույն 2 սարքավորումների  ձեռքբերման միջոցով։

   1.Տարեկան կտրվածքով  մոտ 40 000 մարդ կստանա որակյալ և ճշգրիտ արյան հետազոտության արդյունքներ, 2.Մարտունի համայնքի 9000 հաշմանդաներ կստանան որակյալ հավաստի և արագ վերլուծություններ։

   »։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: