Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջով և հիմք ընդունելով Հայաստանի Հանրապետության կառավարության 2010 թվականի հոկտեմբերի 28-ի «Արոտավայրերից և խոտհարքներից օգտվելու կարգ սահմանելու մասին» N1477-Ն որոշումը՝ համայնքի ավագանին որոշում է․

1.Համաձայնություն տալ Հայաստանի Հանրապետության Գեղարքունիքի մարզի Մարտունի համայնքի Ներքին Գետաշեն բնակավայրում գտնվող համայնքային սեփականություն հանդիսացող 05-066-0301-0064 կադաստրային ծածկագրով 0.1223 հա մակերեսով գյուղատնտեսական նպատակային նշանակության արոտավայրը և 05-066-0301-0015 կադաստրային ծածկագրով 0.3 հա մակերեսով գյուղատնտեսական նպատակային նշանակության արոտավայրը մրցութային կարգով 10 տարի ժամկետով տրամադրել վարձակալության։

2. Հողամասերի վարձակալության տարեկան վարձավճարի չափը 1.0 հա-ի համար սահմանել 6000 (վեց հազար) ՀՀ դրամ։

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։