Ղեկավարվելով «Տեղական ինքնակառավարման մասին» օրենքի 34-րդ հոդվածի 5-րդ և 7-րդ մասերի, «Համայնքային ծառայության մասին»  օրենքի 26-րդ հոդվածի 1-ին մասի «բ» կետի պահանջներով՝ համայնքի ավագանին որոշում է.

1. Հայաստանի Հանրապետության Գեղարքունիքի մարզի Մարտունու համայնքապետարանի աշխատակազմի համայնքային ծառայության տվյալ պաշտոնի ենթախմբին համապատասխանող դասային աստիճանից բարձր դասային աստիճան ունեցող համայնքային ծառայողների համար սահմանել հավելավճար 2025 թվականի համար՝ նրանց պաշտոնային դրույքաչափի 6 (վեց) տոկոսի չափով։
2. Համայնքային ծառայողին տվյալ պաշտոնի ենթախմբին համապատասխանող դասային աստիճանից ավելի բարձր դասային աստիճան շնորհելու դեպքում համայնքային ծառայողի համար հաշվարկվում է սույն որոշման 1-ին կետում նշված չափով հավելավճար՝ այդ իրավունքի ծագմանը հաջորդող ամսվա 1-ից։
3. Մարտունու համայնքապետարանի աշխատակազմի համայնքային ծառայողների՝ տվյալ աշխատակազմում ունեցած երկար տարիների (առնվազն հինգ տարի) համայնքային ծառայության աշխատանքային ստաժի համար սահմանել հավելավճար 2025 թվականի համար՝ համաձայն հավելվածի։
4. Սույն որոշումն ուժի մեջ է մտնում 2025 թվականի հունվարի 1-ից: