Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 16-րդ կետի, Հայաստանի Հանրապետության հողային օրենսգրքի 76-րդ և 80-րդ հոդվածների պահանջներով, հիմք ընդունելով Մարտունի համայնքի ավագանու 2025 թվականի մարտի 28-ի թիվ 43-Ա որոշումը, Մարտունի համայնքի սեփականություն հանդիսացող հողամասերը վարձակալության և (կամ) կառուցապատման իրավունքով հատկացնելու համար մրցութային հանձնաժողովի 2025 թվականի մայիսի  23-ի թիվ 3 արձանագրությունը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնքի Ներքին Գետաշեն բնակավայրի վարչական սահմաններում գտնվող, համայնքային սեփականություն հանդիսացող 05-066-0301-0065 կադաստրային ծածկագրով 0,30004 հա մակերեսով գյուղատնտեսական նպատակային նշանակության արոտավայրը վարձակալության իրավունքով 25 (քսանհինգ) տարի ժամկետով տրամադրել Արմեն Վարուժանի Հովհաննիսյանին (ծնված՝ 01․01․1987 թվականին) և կնքել վարձակալության պայմանագիր:
2. Հողամասի տարեկան վարձավճարի չափը սահմանել 5000 (հինգ հազար) Հայաստանի Հանրապետության դրամ։
3. Արմեն Վարուժանի Հովհաննիսյանին՝ դիմել Հայաստանի Հանրապետության կադաստրի կոմիտե՝ կատարելու գույքի վարձակալության իրավունքի պետական գրանցում:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: