Ղեկավարվելով Հայաստանի Հանրապետության հողային օրենսգրքի 94-րդ հոդվածի 2-րդ մասի և «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի պահանջներով, հիմք ընդունելով Մարտունու համայնքապետարանի աշխատակազմի գյուղատնտեսության և բնապահպանության բաժնի կողմից 2025 թվականի օգոստոսի 6-ին տրված թիվ 190 եզրակացությունը և Հովիկ Քաջազնունու Դանիելյանի դիմումը՝ որոշում եմ.

1. Հովիկ Քաջազնունու Դանիելյանի հետ 2022 թվականի օգոստոսի 10-ին կնքված Արծվանիստ բնակավայրի վարչական սահմաններում գտնվող համայնքային սեփականություն հանդիսացող 0,5 հա մակերեսով գյուղատնտեսական նշանակության այլ հողատեսքի վարձակալության պայմանագրի ժամկետը երկարաձգել երեք տարով՝ մինչև 2028 թվականի օգոստոսի 10-ը:
2. Որոշման կատարման հսկողությունը դնել համայնքապետարանի աշխատակազմի գյուղատնտեսության և բնապահպանության բաժնի պետ Հարություն Հարությունյանի վրա:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: