Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի դրույթներով, 16.12.2021 թվականի ՀՕ-397-Ն օրենքի 2-րդ հոդվածի 2-րդ մասով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, հիմք ընդունելով Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» №912-Ն որոշումը, Հայաստանի Հանրապետության կառավարության 2020 թվականի հունիսի 4-ի №1023-Ն որոշումը, Հայաստանի Հանրապետության Գեղարքունիքի մարզի Մարտունի համայնքի ավագանու 2025 թվականի փետրվարի 21-ի №16-Ա որոշումը, նկատի ունենալով, որ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Մարսել Մարտինի Արշակյանի 12.02.2025 թվականի №1058-Ք դիմումը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնքի Մարտունի քաղաքի Գետափնյա 2-րդ փողոց, թիվ 31/1 հասցեում գտնվող, Մարսել Մարտինի Արշակյանին (ծնված՝ 11.06.1981 թվականին) սեփականության իրավունքով պատկանող 05-003-0462-0012 կադաստրային ծածկագրով 0.0834 հա փաստացի օգտագործվող բնակելի կառուցապատման հողամասի վրա ինքնակամ կառուցված 28.21 քմ արտաքին մակերեսով նկուղը (ներքին մակերեսը՝ 18.38 քմ, կառուցված՝ 2008 թվականին), 69.0 քմ արտաքին մակերեսով բնակելի տունը (ներքին մակերեսը՝ 52.74 քմ, կառուցված՝ 2008 թվականին) և 150.9 քմ արտաքին մակերեսով բնակելի տունը (ներքին մակերեսը՝ 110.75 քմ, կառուցված՝ 2008 թվականին)  ճանաչել օրինական:
2. Ինքնակամ կառույցների օրինականացման վճարը կազմում է՝ 
   նկուղի համար՝ 28.21x10000x0.1422=40115 (քառասուն հազար հարյուր տասնհինգ) ՀՀ դրամ.
   բնակելի տան համար՝ 69.0x10000x0.1422=98118 (իննսունութ հազար հարյուր տասնութ) ՀՀ դրամ.
   բնակելի տան համար՝ 150.9x10000x0.1422=214580 (երկու հարյուր տասնչորս հազար հինգ հարյուր ութսուն) ՀՀ դրամ.
   ընդամենը՝ 352813 (երեք հարյուր հիսուներկու հազար ութ հարյուր տասներեք) ՀՀ դրամ։
3. Օրինականացման համար հիմք ընդունել լիցենզավորված չափագրողի կողմից ներկայացված հատակագիծը:
4. Առկա է Հայաստանի Հանրապետության կադաստրի կոմիտեի կողմից տրամադրված սեփականության իրավունքի պետական գրանցման №17082022-05-0006 վկայականը:
5. Սույն որոշման ընդունման օրվանից օրինականացման համար սահմանված վճարները 60-օրյա ժամկետում չվճարելու դեպքում որոշումը համարել ուժը կորցրած:
6. Անշարժ գույքերին տրամադրել Հայաստանի Հանրապետության Գեղարքունիքի մարզ, Մարտունի համայնք, քաղաք Մարտունի, Գետափնյա 2-րդ փողոց, թիվ 31/1 հասցեն։
7. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի կողմից:
8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: