Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի դրույթներով, 16.12.2021 թվականի ՀՕ-397-Ն օրենքի 2-րդ հոդվածի 2-րդ մասով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, հիմք ընդունելով Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» №912-Ն որոշումը, Հայաստանի Հանրապետության կառավարության 2020 թվականի հունիսի 4-ի №1023-Ն որոշումը, Հայաստանի Հանրապետության Գեղարքունիքի մարզի Մարտունի համայնքի ավագանու 2025 թվականի մարտի 28-ի №36-Ա որոշումը,  նկատի ունենալով, որ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Գնել Սարիբեկի Ավետիսյանի 26.02.2025 թվականի №1383-Ք դիմումը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնքի Ներքին Գետաշեն բնակավայրի Ներքին Դուրան թաղամասի 3-րդ փողոց, թիվ 31 հասցեում գտնվող, Գնել Սարիբեկի Ավետիսյանին (ծնված՝ 14.04.1984 թվականին) սեփականության իրավունքով պատկանող 05-066-0098-0015 կադաստրային ծածկագրով 0.206432 հա փաստացի օգտագործվող բնակելի կառուցապատման հողամասի վրա ինքնակամ կառուցված 64.62 քմ արտաքին մակերեսով կիսանկուղը (ներքին մակերեսը՝ 45.25 քմ, կառուցված՝ 2012 թվականին), 165.01 քմ արտաքին մակերեսով բնակելի տունը (ներքին մակերեսը՝ 129.37 քմ, կառուցված՝ 2012 թվականին) և 17.4 քմ մակերեսով հարթակը (կառուցված՝ 2012 թվականին) ճանաչել օրինական:
2. Ինքնակամ կառույցների օրինականացման վճարը կազմում է՝ 
   կիսանկուղի համար՝ 64.62x10000x0.1028=66430 (վաթսունվեց հազար չորս հարյուր երեսուն) ՀՀ դրամ.
   բնակելի տան համար՝ 165.01x10000x0.1028=169630 (հարյուր վաթսունինը հազար վեց հարյուր երեսուն) ՀՀ դրամ.
   հարթակի համար՝ 17.4x10000x0.1028=17887 (տասնյոթ հազար ութ հարյուր ութսունյոթ) ՀՀ դրամ.
   ընդամենը՝ 253947 (երկու հարյուր հիսուներեք հազար ինը հարյուր քառասունյոթ) ՀՀ դրամ։
3. Օրինականացման համար հիմք ընդունել լիցենզավորված չափագրողի կողմից ներկայացված հատակագիծը:
4. Առկա է Հայաստանի Հանրապետության կադաստրի կոմիտեի կողմից տրամադրված սեփականության իրավունքի պետական գրանցման №18032014-05-0020 վկայականը:
5. Սույն որոշման ընդունման օրվանից օրինականացման համար սահմանված վճարները 60-օրյա ժամկետում չվճարելու դեպքում որոշումը համարել ուժը կորցրած:
6. Անշարժ գույքերին տրամադրել Հայաստանի Հանրապետության Գեղարքունիքի մարզ, Մարտունի համայնք, Ներքին Գետաշեն բնակավայր, Ներքին Դուրան թաղամաս, 3-րդ փողոց, թիվ 31 հասցեն։
7. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի կողմից:
8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: