Զեկ. ԿԱՄՈ ԴԱՎԹՅԱՆ

Ղեկավարվելով Հայաստանի Հանրապետության հողային օրենսգրքի 48.1 և 76-րդ հոդվածների, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջներով, հիմք ընդունելով Հայաստանի հանրապետության կառավարության 2001 թվականի ապրիլի 12-ի №286 որոշմամբ հաստատված կարգի 46.2 կետը, նկատի ունենալով, որ 05-003-0769-0002 կադաստրային ծածկագրով հողամասն ընդգրկված է Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում՝ համայնքի ավագանին որոշում է․

1. Տալ համաձայնություն Հայաստանի Հանրապետության Գեղարքունիքի մարզի Մարտունի համայնքի Մարտունի քաղաքի Կամոյի փողոց, թիվ 46/2 հասցեում գտնվող, համայնքային սեփականություն հանդիսացող 05-003-0769-0002 կադաստրային ծածկագրով 0.08742 հա մակերեսով հողամասը (նպատակային նշանակությունը՝ ջրային, գործառնական նշանակությունը կամ հողատեսքը՝ ջրային) 30 տարի ժամկետով մրցութային կարգով տրամադրել կառուցապատման իրավունքով։
2. Կառուցապատման իրավունքի տարեկան վարձավճարի մեկնարկային գինը սահմանել 38000 (երեսունութ հազար) դրամ։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։