Ղեկավարվելով «Վարչական իրավախախտումների վերաբերյալ» Հայաստանի Հանրապետության օրենսգրքի 158-րդ հոդվածի 30-րդ մասի, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի պահանջներով, հիմք ընդունելով վարչական իրավախախտման վերաբերյալ 16.12.2024 թվականի թիվ 60 արձանագրությունը, Մարտունու համայնքապետարանի վարչական իրավախախտումների հարցերով հանձնաժողովի 25.12.2024 թվականի թիվ 95 արձանագրությունը, «Վարչարարության հիմունքների և վարչական վարույթի մասին» օրենքով սահմանված կարգով հարուցված, Մարտունու համայնքապետարանում իրականացված վարչական վարույթի ընթացքում բացահայտված գործի բոլոր հանգամանքները, հաստատված համարելով Թագուհի Կամոյի Խաչատրյանի կողմից Մարտունի համայնք, Ծակքար բնակավայր, 3-րդ փողոց, թիվ 31 հասցեում գործող «Թագուհի Խաչատրյան» ԱՁ-ին պատկանող առևտրի կետում կշռափաթեթավորված և վաճառքի դրված սննդամթերքի փաթեթի կամ մեջդիր պիտակների վրա օրենքով սահմանված նշումների բացակայության փաստը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնք, Ծակքար բնակավայր, 3-րդ փողոց, թիվ 31 հասցեում գործող «Թագուհի Խաչատրյան» ԱՁ-ին պատկանող առևտրի կետում կշռափաթեթավորված և վաճառքի դրված սննդամթերքի փաթեթի կամ մեջդիր պիտակների վրա օրենքով սահմանված նշումների բացակայության համար «Վարչական իրավախախտումների վերաբերյալ» Հայաստանի Հանրապետության օրենսգրքի 158-րդ հոդվածի 30-րդ մասի հիմքով Թագուհի Կամոյի Խաչատրյանի նկատմամբ նշանակել վարչական տուգանք 10000 (տասը հազար) Հայաստանի Հանրապետության դրամի չափով:
2. Թագուհի Կամոյի Խաչատրյանին՝ 10000 (տասը հազար) Հայաստանի Հանրապետության դրամ տուգանքը 15-օրյա ժամկետում վճարել Մարտունու համայնքապետարանի 900145106093 հաշվի համարին:
3. Սույն որոշումը կարող է բողոքարկվել Հայաստանի Հանրապետության օրենսդրությամբ սահմանված կարգով:
4. Սույն որոշման կատարման հսկողությունը դնել համայնքապետարանի աշխատակազմի իրավաբանական բաժնի պետի վրա:
5. Սույն որոշումն ուժի մեջ է մտնում Թագուհի Կամոյի Խաչատրյանին որոշման ընդունման մասին իրազեկմանը հաջորդող օրվանից: