| Նպատակ | Գիտակցելով համայնքի կայուն էներգետիկ զարգացման,կլիմայական փոփոխություններին հարմարվելուն, էներգետիկ ծախսերի նվազեցման և էներգիան արդյունավետ օգտագործման, բնապահպանական վիճակի բարելավման և մարդկանց կյանքի որակի բարձրացման խնդիրների կարևորությունը, Մարտունի համայնքի Ավագանին 2018 թվականի նոյեմբերի 12 ի N 117 որոշմամբ միացել է Եվրոպական հանձնաժողովի «Քաղաքապետերի դաշնագիր» նախաձեռնությանը, որի նպատակն է աջակցել Եվրոպայի և Արևելյան գործընկերության երկրների համայնքներին իրականացնել կայուն էներգետիկ քաղաքականություն: Պլանը ներառում է էներգախնայող և էներգաարդյունավետ տեխնոլոգիաների կիրառման, վերականգնվող էներգետիկ ռեսուրսների օգտագործման և բնակչության իրազեկության բարձրացման միջոցով էներգասպառման և ջերմոցային գազերի արտանետումների նվազեցմանն ուղղված միջոցառումների ցանկ, որոնց հետևողական իրականացումը կապահովի ռազմավարական խնդիրների լուծմանը: |