Ղեկավարվելով Հայաստանի Հանրապետության հողային օրենսգրքի 94-րդ հոդվածի 2-րդ մասի և «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի պահանջներով, հիմք ընդունելով Մարտունու համայնքապետարանի աշխատակազմի գյուղատնտեսության և բնապահպանության բաժնի կողմից 2025 թվականի հուլիսի 8-ին տրված թիվ 186 եզրակացությունը և Դավիթ Նորիկի Համբարձումյանի դիմումը՝ որոշում եմ.

1. Դավիթ Նորիկի Համբարձումյանի հետ կնքված Գեղհովիտ բնակավայրի վարչական սահմաններում գտնվող պետական սեփականություն հանդիսացող 70,0 հա մակերեսով գյուղատնտեսական նշանակության արոտավայրից օգտվելու մասին պայմանագրի ժամկետը երկարաձգել երեք տարով՝ մինչև 2028 թվականի հուլիսի 8-ը:
2. Որոշման կատարման հսկողությունը դնել համայնքապետարանի աշխատակազմի գյուղատնտեսության և բնապահպանության բաժնի պետ Հարություն Հարությունյանի վրա:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: