Ղեկավարվելով Հայաստանի Հանրապետության հողային օրենսգրքի 76-րդ հոդվածի 5-րդ մասի, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջներով, նկատի ունենալով, որ 05-003-0509-0046 կադաստրային ծածկագրով հողամասն ընդգրկված է Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում, հիմք ընդունելով Հայաստանի Հանրապետության կառավարության 2001 թվականի ապրիլի 12-ի №286 որոշմամբ հաստատված կարգի 46.2 կետի «ա» ենթակետի պահանջը և Մարտունի քաղաքի բնակիչ Գագիկ Ռաֆիկի Շահումյանի 04.07.2024 թվականի №4396-Ք դիմումը՝ համայնքի ավագանին որոշում է․
- Տալ համաձայնություն Հայաստանի Հանրապետության Գեղարքունիքի մարզի Մարտունի համայնքի Մարտունի քաղաքի Երևանյան փողոց, թիվ 42/1 հասցեում գտնվող, համայնքային սեփականություն հանդիսացող 05-003-0509-0046 կադաստրային ծածկագրով 0.00037 հա մակերեսով բնակավայրերի նպատակային նշանակության հասարակական կառուցապատման հողամասն առանց մրցույթի կառուցապատման իրավունքով 90 տարի ժամկետով տրամադրել Մարտունի քաղաքի բնակիչ Գագիկ Ռաֆիկի Շահումյանին։
- Կառուցապատման իրավունքի տարեկան վարձավճարի չափը սահմանել 2500 (երկու հազար հինգ հարյուր) դրամ։
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|