Ղեկավարվելով «Վարչական իրավախախտումների վերաբերյալ» Հայաստանի Հանրապետության օրենսգրքի 219․1 հոդվածի, «Տեղական ինքնակառավարման մասին» օրենքի 42-րդ հոդվածի 1-ին մասի 8-րդ ենթակետի, 2-րդ կետի 1-ին ենթակետի պահանջներով, նկատի ունենալով, որ Մարտունի համայնքի ղեկավարի 2025 թվականի հունիսի 9-ի թիվ 693-Ա որոշմամբ հարուցվել է վարչական վարույթ՝ «Վարչական իրավախախտումների վերաբերյալ» Հայաստանի Հանրապետության օրենսգրքի 154-րդ հոդվածի 1-ին մասի և 48-րդ հոդվածի 1-ին պարբերության հատկանիշներով, հաշվի առնելով, որ Մարտունի քաղաքի բնակիչ Ջիվան Գառնիկի Ավետիսյանի կողմից «Սևան ազգային պարկ» ՊՈԱԿ-ի տարածքի 5-րդ պահաբաժնում՝ Մարտունի քաղաքի հանրային լողափին կից ինքնակամ զավթվել է պետական սեփականություն հանդիսացող հողամաս և տեղադրվել է շարժական վագոն տնակ, մետաղական կոնստրուկցիաներով հավաքված սալիկապատ հատակով զրուցարան, հաշվի առնելով «Վարչական իրավախախտումների վերաբերյալ» Հայաստանի Հանրապետության օրենսգրքի 37-րդ հոդվածի 1-ին պարբերության պահանջը, այն է վարչական տույժը կարող է նշանակվել իրավախախտումը կատարվելու օրվանից ոչ ուշ, քան երկու ամսվա ընթացքում, բացառությամբ սույն հոդվածով նախատեսված դեպքերի, իսկ շարունակվող և տևող իրավախախտման դեպքում` այն բացահայտելու օրվանից երկու ամսվա ընթացքում, բացառությամբ սույն հոդվածով նախատեսված դեպքերի, Ջիվան Ավետիսյանը ենթակա է վարչական պատասխանատվության միայն 48-րդ հոդվածի 1-ին պարբերությամբ նախատեսված զանցանքի համար՝ որոշում եմ․

1. Հայաստանի Հանրապետության Գեղարքունիքի մարզի Մարտունի համայնքի Մարտունի քաղաքի բնակիչ Ջիվան Գառնիկի Ավետիսյանի նկատմամբ արձանագրված վարչական իրավախախտման համար վարչական տույժը կիրառել սահմանված նվազագույն աշխատավարձի երկուհարյուրապատիկի չափով։
2. Ջիվան Գառնիկի Ավետիսյանին՝ 200000 (երկու հարյուր հազար) Հայաստանի Հանրապետության դրամ տուգանքը 15-օրյա ժամկետում վճարել Մարտունու համայնքապետարանի 900145101169 հաշվի համարին:
3. Առաջարկել Ջիվան Գառնիկի Ավետիսյանին երկու ամսվա ընթացքում ապամոնտաժել ինքնակամ շինությունները և տարածքը բերել նախնական տեսքի։
4. Սույն որոշումը կարող է բողոքարկվել Հայաստանի Հանրապետության օրենսդրությամբ սահմանված կարգով:
5. Սույն որոշման կատարման հսկողությունը դնել համայնքապետարանի աշխատակազմի քաղաքաշինության և հողաշինության բաժնի գլխավոր մասնագետ Կամո Դավթյանի վրա:
6. Սույն որոշումն ուժի մեջ է մտնում Ջիվան Գառնիկի Ավետիսյանին որոշման ընդունման մասին իրազեկմանը հաջորդող օրվանից: