Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչական իրավախախտումների վերաբերյալ» Հայաստանի Հանրապետության օրենսգրքի 154-րդ հոդվածի 3-րդ մասի պահանջներով, հիմք ընդունելով Մարտունու համայնքապետարանի աշխատակազմի իրավաբանական բաժնի պետ Արտյոմ Քոչարյանի կողմից 15.07.2025 թվականին կազմված վարչական իրավախախտման վերաբերյալ թիվ 03 արձանագրությունը, Մարտունու համայնքապետարանի վարչական վարույթի իրականացման հարցերով հանձնաժողովի 30.07.2025 թվականի թիվ 24 արձանագրությունը, «Վարչարարության հիմունքների և վարչական վարույթի մասին»  օրենքով սահմանված կարգով հարուցված, Մարտունու համայնքապետարանում իրականացված վարչական վարույթի ընթացքում բացահայտված գործի բոլոր հանգամանքները, հաստատված համարելով Մելիք Հովհաննիսյանի կողմից Մարտունի քաղաքի Մյասնիկյան և Սայաթ-Նովա փողոցների խաչմերուկի հարակից հատվածում Երևանյան փողոցի թիվ 74/7 հասցեի անշարժ գույքի սեփականատեր Մելիք Գարսևանի Հովհաննիսյանը առանց համապատասխան թույլտվության 14․07․2025 թվականին քանդել  և իրականացրել է կոյուղու, խմելու ջրի միացման շինարարական աշխատանքներ՝ վնասելով Մյասնիկյան փողոցի 26մx1,50մ մայթի սալիկապատ հատվածը և Սայաթ-Նովա փողոցի 8մx0,75մ չափերի ասֆալտապատ հատվածը՝ համայնքին պատճառելով նյութական վնաս՝  որոշում եմ․

1. Մելիք Գարսևանի Հովհաննիսյանի նկատմամբ «Վարչական իրավախախտումների վերաբերյալ» Հայաստանի Հանրապետության օրենսգրքի 33-րդ հոդվածի 1-ին և 2-րդ կետերի, 154-րդ հոդվածի 3-րդ մասի, 219¹ հոդվածի հիմքով  նշանակել վարչական տուգանք 2000000 (երկու միլիոն) Հայաստանի Հանրապետության դրամի չափով:
2. Մելիք Գարսևանի Հովհաննիսյանին՝ 2000000 (երկու միլիոն) Հայաստանի Հանրապետության դրամ տուգանքը 15-օրյա ժամկետում վճարել Մարտունու համայնքապետարանի 900145101169 հաշվի համարին:
3. Սույն որոշումը կարող է բողոքարկվել Հայաստանի Հանրապետության օրենսդրությամբ սահմանված կարգով:
4. Սույն որոշման կատարման հսկողությունը դնել համայնքապետարանի աշխատակազմի իրավաբանական բաժնի պետ Արտյոմ Քոչարյանի վրա:
5. Սույն որոշումն ուժի մեջ է մտնում Մելիք Գարսևանի Հովհաննիսյանին որոշման ընդունման մասին իրազեկմանը հաջորդող օրվանից: