Ղեկավարվելով Հայաստանի Հանրապետության Սահմանադրության 60-րդ հոդվածի 8-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 38-րդ հոդվածի 1-ին մասի 3-րդ և 4-րդ կետերի, «Վարչարարության հիմունքների և վարչական վարույթի մասին» օրենքի 29.1 հոդվածի 2-րդ մասի, 30-րդ հոդվածի 1-ին մասի «բ» կետի, 34-րդ հոդվածի պահանջներով, հիմք ընդունելով Մարտունու համայնքապետարանի աշխատակազմի իրավաբանական բաժնի առաջին կարգի մասնագետ Շավարշ Գալստյանի 2025 թվականի հոկտեմբերի 30-ի զեկուցագիրը՝ համաձայն որի Հայաստանի Հանրապետության Գեղարքունիքի մարզի Մարտունի համայնքի Գեղհովիտ բնակավայրի բնակիչ Լուսինե Յուրիկի Ոսկանյանը (ծնված՝ 04.11.1978 թվականին) չի վճարել իր անվամբ սեփականության իրավունքով հաշվառված INFINITI FX35 3.5 մակնիշի 2003 թվականի արտադրության 32 FX 032 հաշվառման համարանիշի մարդատար ավտոմեքենայի գույքահարկը, որի հաշվարկված և չվճարված ընդհանուր հարկային պարտավորությունները 30.10.2025 թվականի դրությամբ կազմում են 1 087 999 (մեկ միլիոն ութսունյոթ հազար ինը հարյուր իննսունինը) Հայաստանի Հանրապետության դրամ, որից ապառք՝ 866 250 (ութ հարյուր վաթսունվեց հազար երկու հարյուր հիսուն) Հայաստանի Հանրապետության դրամ, տույժ՝ 221 749 (երկու հարյուր քսանմեկ հազար յոթ հարյուր քառասունինը) Հայաստանի Հանրապետության դրամ, ինչպես նաև հաշվի առնելով, որ Լուսինե Ոսկանյանը չի կատարել հարկային պարտավորությունները՝ որոշում եմ․

1. Լուսինե Յուրիկի Ոսկանյանի նկատմամբ հարուցել վարչական վարույթ և լսումների օր նշանակել 2025 թվականի նոյեմբերի 12-ին, ժամը 10:00-ին Մարտունու համայնքապետարանի վարչական շենքում (հասցեն` ք.Մարտունի, Շահումյան փողոց, թիվ 2)։
2. Վարույթի իրականացումը հանձնարարել Հայաստանի Հանրապետության Գեղարքունիքի մարզի Մարտունու համայնքապետարանի վարչական վարույթի իրականացման հարցերով հանձնաժողովին։
3. Սույն որոշման մասին ծանուցել Լուսինե Յուրիկի Ոսկանյանին (հասցեն՝ Հայաստանի Հանրապետության Գեղարքունիքի մարզի Մարտունի համայնք, Գեղհովիտ բնակավայր, 1-ին փողոց, թիվ 89):
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: