Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի դրույթներով, 16.12.2021 թվականի ՀՕ-397-Ն օրենքի 2-րդ հոդվածի 2-րդ մասով, Հայաստանի Հանրապետության հողային օրենսգրքի 64-րդ հոդվածի 2-րդ մասի պահանջով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, հիմք ընդունելով Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» №912-Ն որոշումը, Հայաստանի Հանրապետության կառավարության 2020 թվականի հունիսի 4-ի №1023-Ն որոշումը, նկատի ունենալով, որ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Հրայր Խաչիկի Խաչատրյանի լիազորված անձ Նարինե Մայիսի Հակոբյանի 01.11.2024 թվականի №7735-Ք դիմումը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնքի Մարտունի քաղաքի Երևանյան փողոց, թիվ 14 հասցեում գտնվող, Հրայր Խաչիկի Խաչատրյանին (ծնված՝ 17.07.1964 թվականին) և Արևհատ Խաչիկի Խաչատրյանին (ծնված՝ 11.07.1955 թվականին) ընդհանուր համատեղ սեփականության իրավունքով պատկանող 05-003-0504-0002 կադաստրային ծածկագրով 0.10401 հա փաստացի օգտագործվող բնակելի կառուցապատման հողամասի վրա ինքնակամ կառուցված 158.61 քմ արտաքին մակերեսով բնակելի տունը (ներքին մակերեսը՝ 122.38 քմ, կառուցված՝ 2013 թվականին) և 14.35 քմ մակերեսով բնակելի տան բաց պատշգամբը կամ աստիճանահարթակը (կառուցված՝ 2013 թվականին) ճանաչել օրինական:
2. Ինքնակամ կառույցների օրինականացման վճարը կազմում է՝
   բնակելի տան համար՝ 158.61x10000x0.1969=312303 (երեք հարյուր տասներկու հազար երեք հարյուր երեք) ՀՀ դրամ.
   բնակելի տան բաց պատշգամբի կամ աստիճանահարթակի համար՝ 14.35x10000x0.1969=28255 (քսանութ հազար երկու հարյուր հիսունհինգ) ՀՀ դրամ.
   ընդամենը՝ 340558 (երեք հարյուր քառասունութ հազար հինգ հարյուր հիսունութ) ՀՀ դրամ։
3. Օրինականացման համար հիմք ընդունել լիցենզավորված չափագրողի կողմից ներկայացված հատակագիծը:
4. Առկա է Հայաստանի Հանրապետության կադաստրի կոմիտեի կողմից տրամադրված հաշվառման (չափագրման) տվյալների մուտքագրման տեղեկանքը (չափագրման տվյալների մուտքագրման ծածկագիրն է՝ 20238FF4RT):
5. Հատկացման չափից մինչև քսան տոկոս ավել օգտագործվող 0.00401 հա հողամասի նկատմամբ (փաստացի օգտագործվող մակերեսը՝ 0.10401 հա, գրանցված մակերեսը՝ 0.10 հա), որը չի գտնվում ՀՀ հողային օրենսգրքի 60-րդ հոդվածով սահմանված հողամասերի ցանկում, ճանաչել սույն որոշման 1-ին կետում նշված անձանց սեփականությունը։
6. Սույն որոշման ընդունման օրվանից օրինականացման համար սահմանված վճարները 60-օրյա ժամկետում չվճարելու դեպքում որոշումը համարել ուժը կորցրած:
7. Անշարժ գույքերին տրամադրել Հայաստանի Հանրապետության Գեղարքունիքի մարզ, Մարտունի համայնք, քաղաք Մարտունի, Երևանյան փողոց, թիվ 14 հասցեն։
8. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի կողմից:
9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: