Ղեկավարվելով «Տեղական ինքնակառավարման մասին» օրենքի 14-րդ հոդվածի պահանջով՝ համայնքի ավագանին որոշում է.

1. Հաստատել Հայաստանի Հանրապետության Գեղարքունիքի մարզի Մարտունի համայնքի ավագանու 2025 թվականի հունիսի 25-ի ութերորդ նստաշրջանի հինգերորդ հերթական նիստի օրակարգը՝
   1) Հայաստանի Հանրապետության Գեղարքունիքի մարզի Մարտունի համայնքի բնակիչներին համայնքային սեփականություն հանդիսացող տարածքի (հողամասի) սահմանին կից շինություններ կառուցելու համաձայնություն տալու մասին.
   2) Համայնքային սեփականություն հանդիսացող տարածքների (հողամասերի) սահմաններին կից Մարտունի համայնքի բնակիչների կողմից իրենց հողամասերում ինքնակամ կառուցված շինությունների օրինականացմանը համաձայնություն տալու մասին.
   3) Հայաստանի Հանրապետության Գեղարքունիքի մարզի Մարտունի համայնքի Ծակքար բնակավայրում գտնվող 05-045-0034-0019 կադաստրային ծածկագրով 0.0147 հա մակերեսով բնակավայրերի նպատակային նշանակության այլ հողեր գործառնական նշանակության հողամասի նպատակային նշանակությունը փոխելու մասին.
   4) Հայաստանի Հանրապետության Գեղարքունիքի մարզի Մարտունի համայնքի Գեղհովիտ բնակավայրի վարչական սահմաններում ընդգրկված՝ պետական սեփականություն հանդիսացող գյուղատնտեսական նպատակային նշանակության 4.0 հա ընդհանուր մակերեսով խոտհարքները վարձակալության տրամադրելու համաձայնություն տալու մասին.
   5) Հայաստանի Հանրապետության Գեղարքունիքի մարզի Մարտունի համայնքի Զոլաքար բնակավայրի վարչական սահմաններում գտնվող համայնքային սեփականություն հանդիսացող 05-034-0369-0058 կադաստրային ծածկագրով 2.5 հա, 05-034-0369-0060 կադաստրային ծածկագրով 2.5 հա, 05-034-0369-0061 կադաստրային ծածկագրով 3.2179 հա և 05-034-0369-0063 կադաստրային ծածկագրով 4.8339 հա մակերեսներով գյուղատնտեսական նպատակային նշանակության այլ հողատեսքերը մրցութային կարգով վարձակալության իրավունքով տրամադրելու համաձայնություն տալու մասին.
   6) Հայաստանի Հանրապետության Գեղարքունիքի մարզի Մարտունի համայնքի Արծվանիստ բնակավայրի վարչական սահմաններում գտնվող համայնքային սեփականություն հանդիսացող 05-016-0008-0028 կադաստրային ծածկագրով 0.19677 հա մակերեսով գյուղատնտեսական նպատակային նշանակության այլ հողատեսքը մրցութային կարգով վարձակալության իրավունքով տրամադրելու համաձայնություն տալու մասին.
   7) Հայաստանի Հանրապետության Գեղարքունիքի մարզի Մարտունի համայնքի Ներքին Գետաշեն բնակավայրում առկա թվով 35 բարդի տեսակի ծառերը հատելու համաձայնություն տալու մասին.
   8) Հայաստանի Հանրապետության Գեղարքունիքի մարզի Մարտունի համայնքի 2025 թվականի բյուջեում փոփոխություններ կատարելու մասին.
   9) Հայաստանի Հանրապետության Գեղարքունիքի մարզի Մարտունի համայնքի սեփականություն հանդիսացող շարժական գույքն աճուրդային կարգով օտարելու համաձայնություն տալու մասին.
   10) Հայաստանի Հանրապետության Գեղարքունիքի մարզի Մարտունի համայնքի Մարտունի քաղաքի բնակիչ Դավիթ Ավագի Ասպատուրյանի համար փոխադրամիջոցի հարկի գծով արտոնություն սահմանելու մասին.
   11) Հայաստանի Հանրապետության Գեղարքունիքի մարզի Մարտունի համայնքի ավագանու 2024 թվականի դեկտեմբերի 20-ի №193-Ա որոշման մեջ փոփոխություն կատարելու մասին.
   12) Հայաստանի Հանրապետության Գեղարքունիքի մարզի Մարտունի համայնքի սեփականություն հանդիսացող անշարժ գույքերի ամենամյա գույքագրման փաստաթղթերը հաստատելու մասին.
   13) Բուլղարիայի Հանրապետության Վառնա քաղաքում կայանալիք կարատեի աշխարհի գավաթի մրցաշարին մասնակցելու նպատակով Մարտունի համայնքից մարզիկներ Արսեն Խաչիկի Ավետիսյանի, Աշոտ Արմենի Ալեքսանյանի և Սուքիաս Կարենի Սամվելյանի ճանապարհային ծախսերը հոգալու համար գումար տրամադրելու մասին.
   14) Հայաստանի Հանրապետության Գեղարքունիքի մարզի Մարտունի համայնքի Վաղաշեն բնակավայրի վարչական սահմաններում ընդգրկված՝ պետական սեփականություն հանդիսացող 05-082-1500-0008 կադաստրային ծածկագրով գյուղատնտեսական նպատակային նշանակության 3.0 հա մակերեսով արոտավայրը մրցութային կարգով վարձակալության իրավունքով տրամադրելու համաձայնություն տալու մասին.
   15) Հայաստանի Հանրապետության Գեղարքունիքի մարզի Մարտունի համայնքի ավագանու իններորդ նստաշրջանի առաջին հերթական նիստի օրը սահմանելու մասին։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։