Զեկ. ՍՎԵՏԼԱՆԱ ՀՈՎՀԱՆՆԻՍՅԱՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների պահանջներով՝

1. Հայաստանի Հանրապետության Գեղարքունիքի մարզի Մարտունի համայնքի ավագանու 2022 թվականի դեկտեմբերի 22-ի «2023 թվականի համար Հայաստանի Հանրապետության Գեղարքունիքի մարզի Մարտունի համայնքում տեղական տուրքերի, վճարների տեսակները, դրանց դրույքաչափերը և արտոնությունները սահմանելու մասին» №241-Ն որոշման մեջ (այսուհետ՝ որոշում) կատարել հետևյալ փոփոխությունները և լրացումները.
   1.1. Որոշմամբ հաստատված №2 հավելվածի 9-րդ կետը լրացնել հետևյալ բովանդակությամբ «գ» և «դ» ենթակետերով՝
   

   գ.	ջրամատակարարման վճար՝ յուրաքանչյուր հիմնարկի և կազմակերպության համար (անկախ սեփականության ձևից)՝ ամսական	-	-	3000	3000
   դ.	ջրամատակարարման վճար՝ յուրաքանչյուր առողջապահական, կրթական հաստատության համար (այդ թվում՝ նախադպրոցական)՝ ամսական՝	-	-	2000	2000

   գ. ջրամատակարարման վճար՝ յուրաքանչյուր հիմնարկի և կազմակերպության համար (անկախ սեփականության ձևից)՝ ամսական - - 3000 3000 դ. ջրամատակարարման վճար՝ յուրաքանչյուր կրթական հաստատության համար (այդ թվում՝ նախադպրոցական)՝ ամսական՝ - - 2000 2000
   1.2. Որոշման 5-րդ կետը շարադրել նոր խմբագրությամբ հետևյալ բովանդակությամբ՝
   «5. Սույն որոշման 3-րդ և 4-րդ կետերով սահմանված զեղչերից (արտոնություններից) օգտվելու կիրառման իրավունքը համապատասխան փաստաթղթերի առկայության դեպքում վերապահել համայնքի ղեկավարին։»։
   1.3. Որոշումը 5-րդ կետից հետո լրացնել հետևյալ բովանդակությամբ նոր՝ 5.1. կետով՝
   «5.1. համայնքի սեփականությունը համարվող շենքերի և շինությունների վարձակալության հանձնվող տարածքների մեկ քառակուսի մետրի համար սահմանված ամսական վարձավճարի նկատմամբ կիրառել՝
   1) կրթամշակութային և սպորտային խմբակների կազմակերպման և գործունեություն իրականացնելու համար՝ 0.05 գործակից.
   2) արտադրական նպատակով օգտագործման համար՝ 0.1 գործակից։»։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։