Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի դրույթներով, 16.12.2021 թվականի ՀՕ-397-Ն օրենքի 2-րդ հոդվածի 2-րդ մասով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, հիմք ընդունելով Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» №912-Ն որոշումը, Հայաստանի Հանրապետության կառավարության 2020 թվականի հունիսի 4-ի №1023-Ն որոշումը, նկատի ունենալով, որ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Թոռնիկ Մհերի Սարգսյանի 15.11.2024 թվականի №8233-Ք դիմումը՝ որոշում եմ.
- Հայաստանի Հանրապետության Գեղարքունիքի մարզի Մարտունի համայնքի Ներքին Գետաշեն բնակավայրի Վերին Դեմեր թաղամասի 3-րդ փողոց, թիվ 20 հասցեում գտնվող, Թոռնիկ Մհերի Սարգսյանին (ծնված՝ 18.07.1988 թվականին) սեփականության իրավունքով պատկանող 05-066-0042-0017 կադաստրային ծածկագրով 0.225 հա փաստացի օգտագործվող բնակելի կառուցապատման հողամասի վրա ինքնակամ կառուցված 68.95 քմ արտաքին մակերեսով կիսանկուղը (ներքին մակերեսը՝ 50.08 քմ, կառուցված՝ 2015 թվականին) և 216.3 քմ արտաքին մակերեսով բնակելի տունը (ներքին մակերեսը՝ 172.48 քմ, կառուցված՝ 2015 թվականին) ճանաչել օրինական:
- Ինքնակամ կառույցների օրինականացման վճարը կազմում է՝
կիսանկուղի համար՝ 68.95x10000x0.1028=70881 (յոթանասուն հազար ութ հարյուր ութսունմեկ) ՀՀ դրամ.
բնակելի տան համար՝ 216.3x10000x0.1028=222356 (երկու հարյուր քսաներկու հազար երեք հարյուր հիսունվեց) ՀՀ դրամ.
ընդամենը՝ 293237 (երկու հարյուր իննսուներեք հազար երկու հարյուր երեսունյոթ) ՀՀ դրամ։
- Առկա է Հայաստանի Հանրապետության կադաստրի կոմիտեի կողմից տրամադրված սեփականության իրավունքի պետական գրանցման №26022016-05-0024 վկայականը:
- Սույն որոշման ընդունման օրվանից օրինականացման համար սահմանված վճարները 60-օրյա ժամկետում չվճարելու դեպքում որոշումը համարել ուժը կորցրած:
- Անշարժ գույքերին տրամադրել Հայաստանի Հանրապետության Գեղարքունիքի մարզ, Մարտունի համայնք, Ներքին Գետաշեն բնակավայր, Վերին Դեմեր թաղամաս, 3-րդ փողոց, թիվ 20 հասցեն։
- Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի կողմից:
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|