Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 41 –րդ կետի պահանջներով.
1․Սահմանել Մարտունի համայնքի տարածքում արտաքին գովազդ տեղադրելու հետևյալ կարգն ու պայմանները․
ա/Համայնքի տարածքում արտաքին գովազդ տեղադրելու ցանկություն ունեցող ֆիզիկական կամ իրավաբանական անձը պարտավոր է գրավոր դիմում ներկայացնել համայնքի ղեկավարի անունով՝ նշելով այն շենք- շինության հասցեն, որտեղ տեղադրվելու է արտաքին գովազդը։
բ/ Դիմումին կից պետք է ներկայացվեն արտաքին գովազդի էսքիզը և նախատեսվող չափերը։
գ/ Դիմումին կից պետք է ներկայացվի այն շենք- շինության սեփականության կամ օգտագործման իրավունքի վկայականը, որի վրա տեղադրվելու է արտաքին գովազդը։
դ/ Համայնքապետարանի աշխատակազմի քաղաքային տնտեսության բաժինը պետք է կատարի համապատասխան ուսումնասիրություն և տա իր երակացությունը տվյալ շենքի վրա արտաքին գովազդի տեղադրման հատվածի և չափերի վերաբերյալ։
ե/ Համայնքապետարանի աշխատակազմի ֆինանսների կառավարման և եկամուտների հավաքագրման բաժինը պետք է կատարի հաշվարկ, համապատասխան չափի գումարի գանձում և տրամադրի արտաքին գովազդ տեղադրելու սահմանված ձևի թույլտվություն։
զ/ Համայնքապետարանի աշխատակազմի ֆինանսների կառավարման և եկամուտների հավաքագրման բաժինը պետք է նախապատրաստի արտաքին գովազդի տեղադրման թույլտվության պայմանագիր։
է/Վերը նշված բոլոր փաստաթղթերի առկայության դեպքում համայնքի ղեկավարը պետք է կայացնի որոշում արտաքին գովազդ տեղադրելու թույլտվություն տալու մասին և որոշումը տրամադրի դիմումատուին։