Հայաստանի Հանրապետության <<Տեղական ինքնակառավարման մասին>>  օրենքի 14-րդ հոդվածի,16-րդ հոդվածի 14-րդ և 19.1-րդ կետերի համաձայն, Հայաստանի Հանրապետության Կոտայքի և Գեղարքունիքի մարզերի, մասնավորապես, Մարտունի համայնքի տարածքում աղբահանության աշխատանքների բարելավման նպատակով, ի կատարումն Կոտայքի և Գեղարքունիքի մարզերի կոշտ թափոնների կառավարման ծրագրի (հետագա տեքստում` <<Ծրագիր>>)  շրջանակներում Հայաստանի Հանրապետության և Վերակառուցման և Զարգացման Եվրոպական Բանկի միջև 05.04.2016 թվականին կնքված վարկային համաձայնագիր 5.01 բաժնի <<d>>կետի, ինչպես նաև` Աբովյանի, Բյուրեղավանի, Ճամբարակի, Չարենցավանի, Գավառի, Հրազդանի, Նոր Հաճնի, Մարտունու, Սևանի, Ծաղկաձորի, Վարդենիսի, Եղվարդի քաղաքապետարանների և Զարգացման Եվրոպական Բանակի միջև 05.04.2016 թվականին կնքված` Ծրագրի իրականացման և աջակցության համաձայնագրով նախատեսված` Մարտունի համայնքի իրավունքների իրականացման ու պարտավորությունների կատարումն ապահովելու նպատակով`

1.Մարտունի համայնքում աղբահանության աշխատանքների բարելավման նպատակով   Հայաստանի Հանրապետության Կոտայքի և Գեղարքունիքի մարզերի քաղաքային բնակավայրերի համայնքների մասնակցությամբ ստեղծել <<ԿՈՏԱՅՔԻ ԵՎ ԳԵՂԱՐՔՈՒՆԻՔԻ ԿԿԹԿ>> ֆիրմային անվանմամբ սահմանափակ պատասխանատվությամբ ընկերուէյքւն առևտրային կազմակերպություն:

2.Նոր ստեղծվող ընկերության կանոնադրական կապիտալում Մարտունի համայնքի մասնակցությունը սահմանել կանոնադրական կապիտալի ընդհանուր  բաժնեմասի 5 /հինգ/ տոկոսի չափով:

3.Լիազորել  համայնքապետարանի աշխատակազմի քաղաքային տնտեսության բաժնի պետ Հակոբ Մնացականյանին (անձնագրի տվյալներ`AM 0315799, տրված 26.05.2011թ. 043) Մարտունի համայնքի անունից, որպես ներկայացուցիչ, մասնակցել նոր ստեղծվող ընկերության հիմնադրման գործառույթներին, այդ թվում` մասնակցել հիմնադիր ժողովներին, ստորագրել հիմնադիր պայմանագիրը, Ընկերության կանոնադրությունը, հիմնադրման մասին որոշումները, արձանագրությունը, այլ փոստաթղթեր, ինչպես նաև իրականացնել ցանկացած գործառույթ` կապված նոր ստեղծվող ընկերության հիմնադրման ու պետական գրանցման հետ: