Նկատի ունենալով, որ <<ՀՀ Գեղարքունիքի մարզի Մարտունի քաղաքի Գարեգին Նժդեհի անվան մանկապատանեկան կենտրոն>> ՀՈԱԿ-ի շենքը ունի փայտե ծածկ, սենյակների կառուցվածքը չի համապատասխանում գործող խմբերի նորմալ ուսուցման պրոցես իրականացնելուն, շենքը կարիք ունի կապիտալ վերանորոգման, գործող խմբերը նպատակահարմար է տեղափոխել Մարտունու մշակույթի տուն, որի շենքային պաայմանները լիովին բավարարում են թե մշակույթի տանը, թե մանկապատանեկան կենտրոնում գործող խմբերի պարապմունքների նորմալ կազմակերպմանը, իսկ մանկապատանեկան կենտրոնի շենքը նպատակահարմար է օգտագործել որպես Հայորդաց տուն, որի հիմնադիր Մայր Աթոռ Սուրբ Էջմիածինը պատրաստվում է հիմնովին վերանորոգել շենքը և ղեկավարվելով <<Տեղական ինքնակառավարման մասին>> ՀՀ օրենքի 16-րդ հոդվածի 14-րդ կետի պահանջներով.
1. Համաձայնություն տալ լուծարելու <<ՀՀ Գեղարքունիքի մարզի Մարտունի քաղաքի Գարեգին Նժդեհի անվան մանկապատանեկան կենտրոն>> համայնքային ոչ առևտրային կազմակերպությունը:
2.<<ՀՀ Գեղարունիքի մարզի Մարտունի քաղաքի Գարեգին Նժդեհի անվան մանկապատանեկան կենտրոն>> ՀՈԱԿ-ի նմանատիպ խմբերը միավորել Մարտունու մշակույթի տանը գործող խմբերի հետ:
3.ՀՈԱԿ-ի շենքը անհատույց օգտագործման իրավունքով հատկացնել Մայր Աթոռ Սուրբ Էջմիածին Հայորդաց տուն հիմնելու համար:
4.Շենքը հատկացնել Մայր Աթոռ Սուրբ Էջմիածին Հայորդաց տան կանոնադրական նպատակների լիարժեք իրականացման, համայնքի բնակիչների երեխաների հոգևոր և ֆիզիկական դաստիարակության, մանկապատանեկան կենտրոնում գործող ռազմահայրենասիրական, ազգային նվագարանների, երգ ու պարի, օտար լեզուների, գորգագործության, ժանյակագործության, թատերական, շախմատի խմբակների բնականոն գործունեությունը ապահովելու պայմանով: