Ղեկավարվելով «Նորմատիվ իրավական ակտերի մասին» ՀՀ օրենքի 33-րդ հոդվածի 1-ին մասի, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 29-րդ կետի, ՀՀ հողային օրենսգրքի 3-րդ հոդվածի 1-ին մասի 1-ին կետի, «Քաղաքաշինության մասին»ՀՀ օրենքի 14³ հոդվածի պահանջներով, հիմք ընդունելով ՀՀ կառավարության 2011 թվականի դեկտեմբերի 29-ի N1920-Ն որոշումը, 05-085-0165-0001 ծածկագրով հողամասի նպատակային նշանակությունը փոփոխելու մասին Մարտունի համայնքի ղեկավարի առաջարկությունը՝

1. Հավանություն տալ Հայաստանի Հանրապետության Գեղարքունիքի մարզի Մարտունի համայնքի Վարդենիկ բնակավայրի գլխավոր հատակագծում փոփոխություն կատարելու մասին համայնքի ղեկավարի առաջարկին, ըստ որի նախատեսվում է համայնքային սեփականություն հանդիսացող, ըստ համայնքի գլխավոր հատակագծի բնակավայրերի հողեր նպատակային նշանակության հողերից (բնակելի կառուցապատման գործառնական նշանակությամբ) 05-085-0165-0001 կադաստրային ծածկագրով 0.0306 հա մակերեսով հողամասը փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների կատեգորիա՝ կոմունալ ենթակառուցվածքներ գործառնական նշանակությամբ, գոյություն ունեցող օրվա կարգավորիչ ջրամբարի պետական գրանցումն իրականացնելու համար:
2. Սույն որոշումն ուժի մեջ է մտնում հրապարակմանը հաջորդող օրվանից: