Ղեկավարվելով <<Տեղական ինքնակառավարման մասին>> ՀՀ օրենքի 11-րդ հոդվածի պահանջներով և նկատի ունենալով, որ մարզային կենտրոնի ախտահանման մասնաշենքում ավելի քան քսան տարի, դեռևս 1990-ական թվականներից ապօրինի կերպով բնակվում են Մարտունի քաղաքի սոցիալապես անապահով մոտ տասնհինգ բազմանդամ ընտանիքներ, որոնց քաղաքապետարանը ի վիճակի չէ ապահովել բնակարաններով, մասնաշենքը զուրկ է կենցաղային կոմունալ բոլոր տեսակի հարմարություններից, իսկ քաղաքապետարանը իրավասու չէ այդ տարածքում կատարելու վերանորոգման, վերակառուցման աշխատանքներ մասնաշենքում ապրող բնակիչների համար. 1. ՀՀ ԱՆ <<Հիվանդությունների վերահսկման և կանխարգելման կենտրոն >> ՊՈԱԿ <<Գեղարքունիք>> մասնաճյուղի մարզային կենտրոնի վարչական և լաբորատոր մասնաշենքերը իրենց սպասարկման տարածքով ՀՀԿառավարությաննառընթերպետական գույքի կառավարման վարչության հաշվեկշռից Մարտունու քաղաքային համայնքի հաշվեկշիռ փոխանցելու խնդրանքով ուղերձով դիմել ՀՀ վարչապետ պարոն Հովիկ Աբրահամյանին:
2. Մասնաշենքերը հատկացնել սոցիալապես անապահով բնակարանային պայմանների բարելավման կարիք ունեցող ընտանիքներին:
3. .ՀՀ ԱՆ <<Հիվանդությունների վերահսկման և կանխարգելման կենտրոն >> ՊՈԱԿ <<Գեղարքունիք >> մասնաճյուղի մարզային կենտրոնի նոր մասնաշենք կառուցելու համար Մարտունի քաղաքի Զորավար Անդրանիկ թաղամասում հատկացնել 2600 քմ տարածք: |