Ղեկավարվելով « Տեղական ինքնակառավարման մասին» ՀՀ օրենքի 10-րդ հոդվածի, 18-րդ հոդվածի 1-ին մասի 7 -րդ կետի պահանջներով.
Սահմանել Մարտունի համայնքի հետևյալ կամավոր խնդիրները, դրանց լուծմանն ուղղված սեփական լիազորությունները և դրանց իրականացման հետևյալ կարգը․
1․ Սահմանել, որ համայնքի կամավոր խնդիրները այն խնդիրներն են, որոնցով համայնքային կյանքի բնականոն ընթացքը ուղղակիորեն պայմանավորված չէ և կարող են իրականացվել միայն պարտադիր խնդիրների լուծման համար անհրաժեշտ ֆինանսական միջոցներից բացի, հավելյալ ֆինանսական միջոցների առկայության դեպքում։ Սահմանել համայնքի հետևյալ կամավոր խնդիրները՝
1/Սոցիալական աջակցություն դրա կարիքն ունեցող անձանց
2/Օժանդակություն հանրակրթական դպրոցներին
3/ Աջակցություն համայնքում տնտեսական գործունեություն նախաձեռնողներին
4/ Համայնքի տարածքում հասարակական տրանսպորտի աշխատանքի կազմակերպում և կառավարում,
5/ Աջակցություն համայնքում երիտասարդական խնդիրների լուծմանն ուղղված ծրագրերին և միջոցառումներին
2․Սահմանել , որ համայնքի լիազորությունները լինում են սեփական՝ համայնքի պարտադիր և կամավոր խնդիրների լուծման նպատակով, ինչպես նաև պետության կողմից օրենքով պատվիրակված՝ պետական մարմիների լիազորությունների առավել արդյունավետ իրականացման նպատակով։
3․ Սահմանել համայնքի կամավոր խնդիրների իրականացման հետևյալ կարգը․
3․1 Սոցիալական աջակցություն․
ա/ Սոցիալական աջակցության կարիք ունեցող քաղաքացիների կյանքի պայմանների և սոցիալական վիճակի ուսումնասիրության համար ստեղծել հանձնաժողով․
բ/Հանձնաժողովի կազմում ընդգրկել համայնքի ավագանու առնվազն 3 անդամի
գ/ Սոցիալական աջակցությունը տրամադրել միայն հանձնաժողովի կողմից կազմված ուսումնասիրության արձանագրության հիման վրա։
դ/ Սոցիալական աջակցության համար տրամադրվելիք գումարի չափը յուրաքանչյուր ընտանիքի համար սահմանել մինչև 50000 (հիսուն հազար) դրամ։
ե/ Սոցիալական աջակցության դիմումների ուսումնասիրության համար ժամկետ սահմանել մինչև 10 օր։
3․2 Օժանդակություն հանրակրթական դպրոցներին․
ա/ Հանրակրթական դպրոցներում իրականացվող շինարարական-վերանորոգման աշխատանքներին աջակցելու համար ուսումնասիրություն կազմակերպելու նպատակով ստեղծել հանձնաժողով․
բ/նյութական կամ ֆինանսական օգնությունը հանրակրթական դպրոցներին տրամադրել հանձնաժողովի ներկայացրած ուսումնասիրության ակտի հիման վրա․
գ/օժանդակել հանրակրթական դպրոցներում սովորող երեխաներին դասագրքերի և գրենական պիտույքների ձեռք բերման հարցում․
դ/ հանձնաժողովի կազմում ընդգրկել համայնքի ավագանու առնվազն 3 անդամի։
3․3 Օժանդակություն համայնքում տնտեսական գործունեություն նախաձեռնողներին․
ա/ տնտեսական գործունեություն նախաձեռնողների կողմից ներկայացված ծրագրերը ուսումնասիրել համապատասխան բաժնի մասնագետների միջոցով, առանձնացնել ողջամիտ, համայնքի շահերից բխող առաջարկությունները և հնարավորության սահմաններում նախաձեռնողներին ցուցաբերել ֆինանսական աջակցություն,
բ․անհրաժեշտության դեպքում տնտեսական գործունեություն նախաձեռնողներին տրամադրել հողատարածք կամ շենքային տարածք իրենց գործունեությունը ծավալելու համար․
3․4․ Համայնքի տարածքում հասարակական տրանսպորտի աշխատանքի կազմակերպում և կառավարում․
ա/ միջոցներ ձեռնարկել համայնքի տարածքում հասարակական տրանսպորտի աշխատանքի կազմակերպման համար տրանսպորտային միջոց ձեռք բերելու ուղղությամբ․
բ/ սահմանել հասարակական տրանսպորտի երթուղին և չվացուցակը,
գ/ Սահմանել հասարակական տրանսպորտից օգտվելու վարձավճարի չափը
3․5 Աջակցություն համայնքում երիտասարդական խնդիրների լուծմանն ուղղված ծրագրերին և միջոցառումներին․
ա/ միջոցներ ձեռնարկել երիտասարդության ժամանցի կազմակերպման համար համապատասխան տարածքի տրամադրման և երաժշտական ու մշակութային միջոցառումների կազմակերպման համար․
բ/ աջակցություն ցուցաբերել գերազանց առաջադիմություն ունեցող սակավ ապահովված ընտանիքների ուսանողներին ուսման վարձը լրիվ կամ մասնակի փոխհատուցելու համար․
գ/ աջակցություն ցուցաբերել երիտասարդ գործարարներին բիզնես ծրագրերի կազմման, ինչպես նաև երիտասարդական միջոցառումների կազմակերպման ուղղությամբ։ |