Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջով, հիմք ընդունելով Հայաստանի Հանրապետության կառավարության 2006 թվականի մայիսի 18-ի №912-Ն որոշումը, Արծվանիստ բնակավայրի բնակիչ Նվեր Կարապետի Նազարյանի 13.10.2023 թվականի №6081 դիմումը՝
- Համաձայնություն տալ Հայաստանի Հանրապետության Գեղարքունիքի մարզի Մարտունի համայնքի Արծվանիստ բնակավայրի 1-ին փողոց, թիվ 95 հասցեում գտնվող, համայնքային սեփականություն հանդիսացող 05-016-0112-0003 կադաստրային ծածկագրով 0.1267 հա մակերեսով հողամասը, նրա վրա ինքնակամ կառուցված և օրինական ճանաչված շինությունները (հողամասի նպատակային նշանակությունը՝ արդյունաբերության, ընդերքօգտագործման և այլ արտադրական նշանակության օբյեկտների հողեր, գործառնական նշանակությունը կամ հողատեսքը՝ գյուղատնտեսական արտադրական օբյեկտների, հիմք՝ անշարժ գույքի նկատմամբ իրավունքների պետական գրանցման №04102023-05-0042 վկայական) ուղղակի վաճառքով օտարել ինքնակամ շինություններն իրականացրած անձ Նվեր Կարապետի Նազարյանին։
- Հողամասը և նրա վրա առկա շինություններն ուղղակի վաճառքով օտարելու արժեքները հաշվարկելու համար հիմք ընդունել Հայաստանի Հանրապետության կառավարության 2006 թվականի մայիսի 18-ի №912-Ն որոշումը։
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|