Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետի և 90-րդ հոդվածի պահանջներով՝ համայնքի ավագանին որոշում է.

1. Հայաստանի Հանրապետության Գեղարքունիքի մարզի Մարտունի համայնքի 2025 թվականի բյուջեի պահուստային ֆոնդից ընդամենը 9980.0 հազար դրամ հատկացնել համայնքի բյուջեի ֆոնդային մասի «Կեղտաջրերի հեռացում» նախահաշվի 5113 հոդվածին՝ Մարտունի քաղաքի Արցախի և Պ. Սևակի փողոցների կոյուղագծերի վերանորոգման աշխատանքները կատարելու նպատակով:
2. Հիմք ընդունելով «Գնումների մասին» օրենքի 23-րդ հոդվածի 1-ին մասի 2-րդ կետի և Հայաստանի Հանրապետության կառավարության 2017 թվականի մայիսի 4-ի №526-Ն որոշման 23-րդ կետի 5-րդ ենթակետի դրույթները՝ տալ համաձայնություն Մարտունի քաղաքի Արցախի և Պ. Սևակի փողոցների կոյուղագծերի վերանորոգման աշխատանքների նախահաշվի կազմման, փորձաքննության անցկացման և շինարարական աշխատանքների կատարման գնման ընթացակարգերը կազմակերպել մեկ անձից։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։