Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի դրույթներով, 16.12.2021 թվականի ՀՕ-397-Ն օրենքի 2-րդ հոդվածի 2-րդ մասով, հիմք ընդունելով «Ինքնակամ կառույցների օրինականացման և տնօրինման կարգը հաստատելու մասին» Հայաստանի Հանրապետության կառավարության 2006 թվականի մայիսի 18-ի №912-Ն որոշումը, նկատի ունենալով, որ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, դրանք կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Ջիվան Ջիվանի Գասպարյանի դիմումը՝ որոշում եմ.
- Հայաստանի Հանրապետության Գեղարքունիքի մարզի Մարտունի համայնքի Ծակքար բնակավայրի 4-րդ փողոց, թիվ 1/2 հասցեում գտնվող, համայնքային սեփականություն հանդիսացող 05-045-0014- կադաստրային ծածկագրով 0.0120 հա մակերեսով բնակավայրերի բնակելի կառուցապատման գործառնական նշանակության հողամասի վրա ինքնակամ կառուցված 3.22 քմ արտաքին մակերեսով նկուղը (ներքին մակերեսը՝ 2.52 քմ, կառուցված՝ 2018 թվականին), 22.18 քմ արտաքին մակերեսով նկուղը (ներքին մակերեսը՝ 16.02 քմ, կառուցված՝ 2018 թվականին), 42.56 քմ արտաքին մակերեսով բնակելի տունը (ներքին մակերեսը՝ 31.93 քմ, կառուցված՝ 2018 թվականին), ճանաչել օրինական որպես Մարտունի համայնքի սեփականություն:
- Օրինականացման համար հիմք ընդունել լիցենզավորված չափագրողի կողմից ներկայացված հատակագիծը:
- Առկա է Հայաստանի Հանրապետության կադաստրի կոմիտեի կողմից տրամադրված հաշվառման (չափագրման) տվյալների մուտքագրման տեղեկանքը (չափագրման տվյալների ծածկագիրն է` 2023Y6UCSG):
- Գրավոր առաջարկություն անել ինքնակամ շինությունն իրականացրած անձ Ջիվան Ջիվանի Գասպարյանին (ծնված՝ 03.01.1994 թվականին) օրինականացված կառույցները և 0.0120 հա հողամասը գնման նախապատվության իրավունքով ուղղակի վաճառքով գնելու համար:
- Հողամասին և նրա վրա կառուցված շինություններին տրամադրել Հայաստանի Հանրապետության Գեղարքունիքի մարզ, Մարտունի համայնք, Ծակքար բնակավայր, 4-րդ փողոց, թիվ 1/2 հասցեն։
- Դիմել Հայաստանի Հանրապետության կադաստրի կոմիտե՝ սույն որոշումից ծագող իրավունքները պետական գրանցման ներկայացնելու նպատակով:
- Սույն որոշման կատարման հսկողությունը դնել համայնքապետարանի աշխատակազմի քաղաքաշինության և հողաշինության բաժնի պետ Հակոբ Մնացականյանի վրա:
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|