Գյուղացիական տնտեսությունների կողմից արտադրված գյուղմթերքիիրացման աջակցության նպատակով ՀՀ գյուղատնտեսության նախարարության, այնուհետևՀՀ էկոնոմիկայի նախարարության կողմից Երևանի քաղաքապետարանի աջակցությամբ 2011 թվականից Երևանի տարբեր վարչական տարածքներում կազմակերպվել են գյուղատնտեսական մթերքների տոնավաճառներ:Տոնավաճառներին մասնակցել են ՀՀ տարբեր մարզերից գյուղացիական տնտեսություններ, որոնք երևանյան սպառողներին են ներկայացրել բացառապես սեփական արտադրանքը: Տոնավաճառները սկսվել են հունիս ամսվա կեսերից՝ յուրաքանչյուր շաբաթ և կիրակի օրերին և շարունակվել են մինչև դեկտեմբերի 30-ը: Միջին հաշվով 1 տոնավաճառին ներկայացվել է մինչև 200 գյուղացիական տնտեսությունների արտադրանք և իրացվել է ավելի քան 50 տոննա գյուղմթերք: Տոնավաճառները բավականին պահանջված են մայրաքաղաքի սպառողների շրջանում և աջակցում են գյուղացիական տնտեսությունների արտադրանքի իրացման հարցում: Երևանցիների համար տոնավաճառները համեմատաբար մատչելի գների շնորհիվ նաև այլընտրանք են գյուղմթերքների այլ շուկաներին և բացառիկ կարևորություն ունեն Երևան քաղաքում գյուղմթերքների մատակարարման համակարգի բարելավման համար: Այս տարի տոնավաճառները նախատեսվում է վերսկսել Հրազդան մարզադաշտի հարակից տարածքում՝ սույն թվականի հունիսի 19-ից:Գյուղացիական տնտեսությունների մասնակցությունը տոնավաճառներին անվճար է: Տոնավաճառներին միայն սեփական արտադրանքը ներկայացնող գյուղացիական տնտեսություների մասնակցությունն ապահովելու, ինչպես նաև առևտրային միջնորդների մասնակցությունը բացառելու նպատակով սահմանվել է մասնակցության հատուկ ընթացակարգ, համաձայն որի գյուղացիական տնտեսությունները հեռախոսով հայտնել են տոնավաճառի մասնակցության ամսաթվերի, ինչպես նաև ըստ օրերի վաճառվող բերքի տեսականու և քանակների մասին տեղեկատվությունը, որոնք ներկայացվել են տոնավաճառների համակարգման խորհրդին:
Տոնավաճառներին մասնակցության ցանկություն ունեցող գյուղացիական տնտեսությունների հայտերի հավաքագրման և յուրաքանչյուր շաբաթվա հինգշաբթի օրը գյուղատնտեսական տոնավաճառների համակարգման խորհրդին (Հայկ Բաղդասարյան, հեռ.՝ 094170504, էլ. փոստ՝ hayk.bagdasaryan.8989@mail.ru) փոխանցելու հարցում: Բացի այդ առևտրային միջնորդների մասնակցությունը բացառելու նպատակով խնդրում եմ շուկայի մասնակիցներին իրազեկել, որ իրենց հետ ունենան համայնքապետի կողմից տրամադրված տեղեկանք՝ մշակվող հողատարածքների և արտադրվող արտադրանքի մասին: