Հայտնում ենք, որ ՀՀ վարչապետի մոտ 2020 թվականի ապրիլի 17-ին կայացած՝ ՀՀ մարզերի 2020 թվականի ընթացիկ խնդիրների մասին խորհրդակցության N Վ/61-2020 արձանագրության 1-ին կետի 6-րդ ենթակետի՝ գյուղատնտեսական տեխնիկայի ձեռքբերման համար լիզինգի ծրագրով սահմանված վարկի կանխավճարի և մարման ժամկետի կրճատման հարցի վերաբերյալ հայտնում ենք, որ ՀՀ կառավարության 2020 թվականի մարտի 26-ի N 356-Լ որոշման մեջ ՀՀ կառավարության 2020 թվականի ապրիլի 30-ի N 644-Լ որոշմամբ կատարվել են փոփոխություններ, որով սահմանվել է, որ գյուղատնտեսությունում տնտեսավարողներին (բացառությամբ գյուղատնտեսական կոոպերատիվների) գյուղատնտեսական տեխնիկա և ագրոպարենային ոլորտի սարքավորումներ լիզինգով ձեռք բերելու համար պետության կողմից կարող է տրամադրվել լիզինգի 20 տոկոս կանխավճարի համաֆինանսավորում/ համապարտություն 10 տոկոսի չափով, բայց ոչ ավել քան 10 մլն ՀՀ դրամը։
Միաժամանակ հայտնում ենք, որ համաձայն ՀՀ կառավարության 2020 թվականի մարտի 26-ի N 356-Լ որոշման, գյուղատնտեսական կոոպերատիվները ևս գյուղատնտեսական տեխնիկա և ագրոպարենային ոլորտի սարքավորումներ լիզինգով ձեռք բերելու համար կարող են օգտվել պետության կողմից տրամադրվող 10 տոկոսի չափով համաֆինանսավորումից։