Մարտունի համայնքում այգեգործությամբ և ջերմատնային տնտեսություններով զբաղվող հարգելի՛ տնտեսվարողներ, տեղեկացնում ենք, որ Նիդերլանդների Վեսթլանդ համայնքի իշխանությունների կողմից ձևավորվում է «Այգեգործական շրջանների համաշխարհային դաշինք» նախաձեռնությունը, որն ընձեռում է վերոնշյալ ոլորտում համագործակցության նոր հնարավորություններ։  Համագործակցելու համար դիմել Մարտունու համայնքապետարանի աշխատակազմի Գյուղատնտեսության և բնապահպանության բաժին։

Սիրելի՛ շրջանավարտներ, սրտանց շնորհավորում ենք ձեզ` Վերջին զանգի կապակցությամբ։ Այս օրը միաժամանակ խորհրդանշում է ձեր մանկության ու դպրոցական հիշողությունների ավարտն ու կյանքի մի նոր, առավել պատասխանատու փուլի սկիզբը։ Դուք կանգնած եք կարևոր ընտրության շեմին, և հավատացած ենք, որ ձեր գիտելիքներով, ձգտումներով ու հայրենիքի հանդեպ սիրով կկարողանաք արժանավայել կերպով կերտել ձեր ապագան՝ զարգացնելով նաև մեր Մարտունի համայնքը։ Մաղթում ենք ձեզ քաջառողջություն, վճռականություն, հաջողություններ՝ բոլոր նախաձեռնություններում։ Թո՛ղ դպրոցական տարիները ձեզ ուղեկցեն որպես ջերմ հիշողություններ, իսկ ձեր առջև բացվող ճանապարհը լինի լուսավոր ու խոստումնալից։