ՀՀ էկոնոմիկայի նախարարության «Նորամուծության և ձեռներեցության ազգային կենտրոն» ՊՈԱԿ-ը  իրականացնում է տնտեսության տարբեր ոլորտների վերաբերյալ գիտագործնական և գիտատեխնիկական օպերատիվ տեղեկատվության տրամադրում կարճ տեսահոլովակների միջոցով՝ վերոնշյալ ոլորտների մասնագետներին աջակցելու նպատակով:

Մանրամասների համար կարող եք զանգահարել 011-23-87-47, 011 23-63-75 հեռախոսահամարներով, կամ adasarg@innovcentre.am, HEADLIB@INNOVCENTRE.AM  էլ. փոստի հասցեներով:

Մարտունու համայնքապետ Արմեն Ավետիսյանի նախաձեռնությամբ և ավագանու որոշմամբ համայնքապետարանի աշխատակիցները այցելեցին միայնակ տարեցներին կորոնավիրուսի դեմ հայտարարված արտակարգ իրավիճակի պայմաններում նրանց աջակցելու համար: Տեղական բյուջեից հատկացված գումարը  տրամադրվելու է տարեցներին սնունդ,հիգիենայի պարագաներ և դեղորայք գնելու նպատակով: Մարդիկ, ովքեր ունեին մեր աջակցության կարիքը, համդիպումների ընթացքում հայտնեցին իրենց անհրաժեշտ սննդի, դեղորայքի մասին: Այս նախաձեռնությանը միացավ նաև Մարտունու սուրբ Աստվածածին եկեղեցու հոգևոր հովիվ  Տեր Սիմոն քահանան՝ իր օրհնությունը և աղոթքը բերելով տարեցներին:

Մարտի 21-ին «Մարտունու քաղաքային համայնքի կոմունալ սպասարկում և բարեկարգում» ՀՈԱԿ-ի տնօրեն Արտյոմ Ասպատուրյանի նախաձեռնությամբ և ֆինանսավորմամբ ստեղծվել է բժշկական դիմակների փոքրիկ կարի արտադրամաս, որը գործում է հենց հիմնարկի շենքի ներսում: Կամավորներ Թագուհի Հակոբյանը, Մարինե և Աշխեն Ջամալյանները, ՀՈԱԿ-ի աշխատակիցներ Արմինե Ավետիսյանը, Ռուզաննա Գևորգյանը, Մարիետա Գասպարյանը իրենց մասնակցությամբ աջակցում են այս բարեգործական մտահղացմանը: Աղջիկները առանց ժամային սահմանափակման կարում են օրական 200 հատ բժշկական դիմակ: Դիմակները տրամադրվում են ինչպես իրավաբանական կազմակերպություններին, այնպես էլ ֆիզիկական անձանց՝ անվճար հիմունքներով:  

  Այսօր  Մարտունի համայնքի ղեկավար Արմեն Ավետիսյանն ընդունեց Մարտունու Սմբատ Մհերյանի անվան մարզադպրոցի սաներ Գուգեն Կակոյանին, Նարեկ Զախարյանին և Նարեկ Գրեյանին,ովքեր ս/թ փետրվարի 5-10-ը մասնակցել էին բռնցքամարտի    երիտասարդների Հայաստանի առաջնությանը  և բարձր արդյունքներ գրանցել:

  Համայնքի ղեկավարը, շնորհավորելով մրցանակակիր մարզիկներին բարձր արդյունքներ ցուցաբերելու համար,հույս հայտնեց,որ նրանք մարզադպրոցի պատիվը բարձր կպահեն նաև միջազգային առաջնություններում:

    Հանդիպմանը ներկա էին մարզադպրոցի տնօրեն Սամվել Մոսեյանը և մարզիչ Գևորգ Սարգսյանը:

(լուսանկարներ)

  ՀՀ կառավարությունը հաստատեց 2020 թվականի մայիսի 29-ի աշխատանքային օրը 2020 թվականի մայիսի 23՝ շաբաթ օրը տեղափոխելու մասին որոշման նախագիծը: 

«Աշխատանքային օրը տեղափոխելու մասին» ՀՀ կառավարության որոշման նախագծի ընդունումը պայմանավորված է Հայաստանի Հանրապետության տոների կապակցությամբ քաղաքացիների հանգիստը կազմակերպելու անհրաժեշտությամբ:

Մայիսի 28-ը Հայաստանի առաջին հանրապետության հռչակման օրն է՝ ոչ աշխատանքային հինգշաբթի։ Դրան հաջորդող ուրբաթ օրը, ոչ աշխատանքային սահմանելով, կստացվի հանգստյան 4 օր։

      Փետրվարի 19-ը՝ հայ մեծ բանաստեղծ Հովհաննես Թումանյանի ծննդյան օրը, արդեն մի քանի տարի Հայաստանում նշվում է որպես Գիրք նվիրելու օր։ 
      Այդ օրը Մարտունու կենտրոնական գրադարանին գրքեր նվիրեցին Մարտունու թիվ 2 մանկապարտեզի սաները(տնօրեն Անուշ Սարգսյան),իսկ գրադարանի կողմից գրքեր ստացան Մարտունու Սարիբեկ Դարբինյանի անվան թիվ 2 դպրոցի աշակերտները(դասվար՝ Կարինե Ավետիսյան):

(լուսանկարներ)