Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 16-րդ կետի պահանջով, հիմք ընդունելով ՀՀ Գեղարքունիքի մարզի Մարտունի համայնքի Ծակքար բնակավայրի բնակիչ Մարատ Պետրոսի Պողոսյանի 15.08.2025 թվականի համաձայնագիրը և Մարտունի համայնքի ավագանու 2025 թվականի օգոստոսի 21-ի թիվ 112-Ա որոշումը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնքի Ծակքար բնակավայրի բնակիչ Մարատ Պետրոսի Պողոսյանին սեփականության իրավունքով պատկանող 05-045-0046-0002 կադաստրային ծածկագրով 0.1236 հա մակերեսով հողամասը (հասցեն՝ ՀՀ Գեղարքունիքի մարզ, Մարտունի համայնք, Ծակքար բնակավայր, 2-րդ փողոց, 2-րդ նրբանցք, թիվ 2) նվիրատվությամբ ընդունել Մարտունի համայնքի սեփականություն՝ բժշկական ամբուլատորիա կառուցելու նպատակով։
2. Դիմել Հայաստանի Հանրապետության կադաստրի կոմիտե սույն որոշումից ծագող իրավունքները պետական գրանցման ներկայացնելու համար:
3. Հանձնարարել համայնքապետարանի աշխատակազմի քարտուղարին՝ հողամասի նկատմամբ համայնքային սեփականության իրավունքի վկայականը ստանալուց հետո համայնքի գույքագրման փաստաթղթերում առաջացող փոփոխությունները ներկայացնել համայնքի ավագանու հաստատմանը:
4. Հանձնարարել համայնքապետարանի աշխատակազմի գյուղատնտեսության և բնապահպանության բաժնին՝ հողամասն ընդունել Մարտունի համայնքի հողային հաշվեկշիռ:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։