Ղեկավարվելով «Վարչական իրավախախտումների վերաբերյալ» Հայաստանի Հանրապետության օրենսգրքի 158-րդ հոդվածի 30-րդ մասի, «Տեղական ինքնակառավարման մասին»  օրենքի 35-րդ հոդվածի 1-ին մասի 26-րդ կետի պահանջներով, հիմք ընդունելով վարչական իրավախախտման վերաբերյալ 04.11.2024 թվականի թիվ 35 արձանագրությունը, Մարտունու համայնքապետարանի վարչական իրավախախտումների հարցերով հանձնաժողովի 21.11.2024 թվականի թիվ 70 արձանագրությունը, «Վարչարարության հիմունքների և վարչական վարույթի մասին» օրենքով սահմանված կարգով հարուցված, Մարտունու համայնքապետարանում իրականացված վարչական վարույթի ընթացքում բացահայտված գործի բոլոր հանգամանքները, հաստատված համարելով Գեղամ Ղազարյանի   կողմից Մարտունի համայնք, Մարտունի քաղաք, Մյասնիկյան փողոց,  թիվ 24 հասցեում  գործող «Սավռ» ՍՊԸ-ին  պատկանող առևտրի կետում   կշռափաթեթավորված և վաճառքի դրված սննդամթերքի փաթեթի կամ միջադիր պիտակների վրա օրենքով սահմանված նշումների բացակայության  փաստը՝ որոշում եմ.

1. Հայաստանի Հանրապետության Գեղարքունիքի մարզի Մարտունի համայնք, Մարտունի քաղաք, Մյասնիկյան փողոց,  թիվ 24 հասցեում  գործող «Սավռ» ՍՊԸ-ին   պատկանող առևտրի կետում կշռափաթեթավորված և վաճառքի դրված սննդամթերքի փաթեթի կամ միջադիր պիտակների վրա օրենքով սահմանված նշումների բացակայության  համար  «Վարչական իրավախախտումների վերաբերյալ» Հայաստանի Հանրապետության օրենսգրքի 158-րդ հոդվածի 30-րդ մասի հիմքով Գեղամ Ղազարյանի    նկատմամբ նշանակել վարչական տուգանք 20000 (քսան հազար) Հայաստանի Հանրապետության դրամի չափով:
2. Գեղամ Ղազարյանին՝ 20000 (քսան հազար) Հայաստանի Հանրապետության  դրամ տուգանքը 15-օրյա ժամկետում վճարել Մարտունու համայնքապետարանի 900145101169 հաշվի համարին:
3. Սույն որոշումը կարող է բողոքարկվել Հայաստանի Հանրապետության օրենսդրությամբ սահմանված կարգով:
4. Սույն որոշման կատարման հսկողությունը դնել համայնքապետարանի աշխատակազմի իրավաբանական բաժնի  վրա:
5. Սույն որոշումն ուժի մեջ է մտնում  Գեղամ Ղազարյանին  որոշման ընդունման մասին իրազեկմանը հաջորդող օրվանից: