Ղեկավարվելով «Վարչարարության հիմունքների և վարչական վարույթի մասին»  օրենքի  30-րդ հոդվածի 1-ին մասի «բ» կետի, 35-րդ հոդվածի 1-ին մասի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Վարչական իրավախախտումների վերաբերյալ» Հայաստանի Հանրապետության օրենսգրքի 219․1 հոդվածի, 154-րդ հոդվածի 2-րդ մասի պահանջներով, հիմք ընդունելով Մարտունու համայնքապետարանի աշխատակազմի իրավաբանական բաժնի կողմից 2025 թվականի նոյեմբերի 11-ին կազմված վարչական իրավախախտման վերաբերյալ թիվ 05/25 արձանագրությունը Ներքին Գետաշեն բնակավայրի բնակիչ Սուրեն Հովհաննիսյանի կողմից իրեն սեփականության իրավունքով պատկանող հողամասի վրա ինքնակամ շինություն կառուցելու մասին՝ որոշում եմ․

1. Հայաստանի Հանրապետության «Վարչական իրավախախտումների վերաբերյալ» օրենսգրքի 154-րդ հոդվածի 2-րդ մասով արձանագրված վարչական իրավախախտման համար Սուրեն Հվհաննեսի Հովհաննիսյանի նկատմամբ հարուցել վարչական վարույթ և լսումների օր նշանակել 2025 թվականի նոյեմբերի 26-ին, ժամը 11:00-ին Մարտունու համայնքապետարանում (հասցեն` ք.Մարտունի, Շահումյան փողոց, թիվ 2)։
2. Վարույթի իրականացումը հանձնարարել Հայաստանի Հանրապետության Գեղարքունիքի մարզի Մարտունու համայնքապետարանի վարչական վարույթի իրականացման հարցերով հանձնաժողովին։
3. Սույն որոշման մասին ծանուցել Սուրեն Հվհաննեսի Հովհաննիսյանին (Ներքին Գետաշեն բնակավայր, Սուրբ Վարդան թաղամաս, 1-ին փողոց, թիվ 33 հասցե):
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: