Ղեկավարվելով Հայաստանի Հանրապետության Սահմանադրության 60-րդ հոդվածի 8-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 38-րդ հոդվածի 1-ին մասի 3-րդ և 4-րդ կետերի, «Վարչարարության հիմունքների և վարչական վարույթի մասին» օրենքի 29.1 հոդվածի 2-րդ մասի, 30-րդ հոդվածի 1-ին մասի «բ» կետի, 34-րդ հոդվածի պահանջներով, հիմք ընդունելով Մարտունու համայնքապետարանի աշխատակազմի իրավաբանական բաժնի 2025 թվականի նոյեմբերի 13-ի զեկուցագիրը՝ համաձայն որի Հայաստանի Հանրապետության Գեղարքունիքի մարզի Մարտունի համայնքի Ծովինար բնակավայրի բնակիչ Մայիս Սերգոյի Օհանյանը (ծնված՝ 24.05.1941 թվականին) չի վճարել իր անվամբ սեփականության իրավունքով հաշվառված MERCEDES-BENZ G 500 մակնիշի 59 UL 999 հաշվառման համարանիշի մարդատար ավտոմեքենայի գույքահարկը, որի հաշվարկված և չվճարված հարկային պարտավորությունները 13.11.2025 թվականի դրությամբ կազմում են 1453713 (մեկ միլիոն չորս հարյուր հիսուներեք հազար յոթ հարյուր տասներեք) Հայաստանի Հանրապետության դրամ, որից ապառք՝ 978970 (ինը հարյուր յոթանասունութ հազար ինը հարյուր յոթանասուն) Հայաստանի Հանրապետության դրամ, տույժ՝ 327743 (երեք հարյուր քսանյոթ հազար յոթ հարյուր քառասուներեք) Հայաստանի Հանրապետության դրամ, ինչպես նաև հաշվի առնելով, որ Մայիս Սերգոյի Օհանյանը չի կատարել հարկային պարտավորությունները՝ որոշում եմ․
- Մայիս Սերգոյի Օհանյանի նկատմամբ հարուցել վարչական վարույթ և լսումների օր նշանակել 2025 թվականի դեկտեմբերի 4-ին, ժամը 10:30-ին Մարտունու համայնքապետարանի վարչական շենքում (հասցեն` ք.Մարտունի, Շահումյան փողոց, թիվ 2)։
- Վարույթի իրականացումը հանձնարարել Հայաստանի Հանրապետության Գեղարքունիքի մարզի Մարտունու համայնքապետարանի վարչական վարույթի իրականացման հարցերով հանձնաժողովին։
- Սույն որոշման մասին ծանուցել Մայիս Սերգոյի Օհանյանին (հասցեն՝ Հայաստանի Հանրապետության Գեղարքունիքի մարզի Մարտունի համայնք, Ծովինար բնակավայր, 4-րդ թաղամաս, 1-ին փողոց, թիվ 14):
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|