Հիմք ընդունելով  Մարտունու  համայնքապետարանի աշխատակազմի քաղաքային տնտեսության բաժնի աշխատակիցների կողմից և Մարտունու  համայնքապետարանի վարչական վարույթի իրականացման հարցերով հանձնաժողովի կողմից կազմված արձանագրությունները և ղեկավարվելով <<Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասի 1-ին  կետի, <<Տեղական ինքնակառավարման մասին>> ՀՀ օրենքի 35-րդ հոդվածի 26 -րդ կետի պահանջներով

   1.Մարտունի քաղաքի բնակիչ Գեղամ Ավագյանին ք. Մարտունի Երևանյան  փողոց թիվ 8  հասցեում իր սեփականությունը հանդիսացող հողամասի վրա ինքնակամ շինություն կառուցելու համար  վարչական իրավախախտումների վերաբերյալ ՀՀ  օրենսգրքի 154-րդ հոդվածի 1-ին մասի 1-ին կետի հիմքով տուգանել 200000 (երկու հարյուր հազար) դրամ:

   2. Պահանջել Գեղամ Ավագյանին  200000 (երկու հարյուր հազար) դրամ տուգանքը վճարել  համայնքապետարանի 900145101169  հաշվի համարին 15-օրյա ժամկետում:

  3. Հանձնարարել Գեղամ Ավագյանին 20-օրյա ժամկետում ապահովել շինարարության համար անհրաժեշտ քաղաքաշինական փաստաթղթերը:

  4.Սույն որոշման կատարման հսկողությունը դնել համայնքապետարանի աշխատակազմի ֆինանսների կառավարման և եկամուտների հավաքագրման բաժնի պետ Ռուդիկ Հարությունյանի  և քաղաքային տնտեսության բաժնի պետ Հակոբ Մնացականյանի վրա:

  5. Սույն որոշումն ուժի մեջ է մտնում  Գեղամ Ավագյանին  որոշման  ընդունման մասին իրազեկմանը   հաջորդող օրվանից: