Մեծարգո պարոն վարչապետ.
Տեղեկացնում ենք , որ ՀՀ Գեղարքունիքի մարզի Մարտունու համայնքապետարանը և թվով 11 համայնային ոչ առևտրային կազմակերպությունները ունեն 239 աշխատակից, որոնց տարեկան աշխատավարձի գումարը կազմում է 251937000 դրամ: Մարտունի համայնքի տարեկան բյուջեն կազմում է 407039080 դրամ, որից սեփական եկամուտները` 140379010 դրամ և ֆինանսական համահարթեցման նպատակով տրվող դոտացիան կազմում է 252919050 դրամ:
Մարտունու տարածաշրջանում գոյության ունեն համայնքներ, որոնց բնակչության քանակը մոտ է Մարտունի քաղաքի բնակչությանը, սակայն այդ համայնքապետարաններին հատկացվում է գրեթե նույն չափի դոտացիա այն դեպքում, երբ այդ համայնքապետարանները ունեն ընդանենը 1 կամ 2 համայնքային ոչ առևտրային կազմակերպություններ աշխատողների փոքր քանակով: Մարտունու տարածաշրջանի համարյա բոլոր գյուղական համայնքների երեխաները հաճախում են Մարտունի քաղաքի մանկապարտեզներ, երաժշտական դպրոց, մանկապատանեկան կենտրոն, մարզադպրոց, արվեստի դպրոց, օգտվում են Մարտունու հանրային գրադարանից: Բնակչության համարյա նույն քանակն ունեցող այդ համայնքապետարանները չունեն անգամ կոմունալ ծառայություն և այդ համայնքաների բնակիչներն իրենց աղբը հիմնականում տեղափոխում են Մարտունի քաղաքի տարածք և թափում Մարտունի քաղաքում տեղադրված աղբամաններում:
Ֆինանսական նման անհավասար պայմաններում Մարտունու համայնքապետարանը չնչին գումարներ է կարողանում տրամադրել Մարտունի քաղաքի ասֆալտապատման, բարեկարգման և կոմունալ սպասարկման աշխատանքների կատարման համար, համայնքի բյուջեում ֆինանսական միջոցների բացակայության պատճառով չի կարողանում մասնակցել սուբվենցիոն ծրագրերի, այն դեպքում, երբ մյուս գյուղական համայնքներից շատերը կատարում են ասֆալտապատման և բարեկարգման հսկայական աշխատանքներ, կարողանում են մասնակցել սուբվենցիոն ծրագրերին: Գյուղական այդ համայնքներում համայնքապետարանի ֆինանսնական մեծ ու ազատ միջոցները հնարավորության են տալիս ասֆալտապատելու անգամ բոլոր երկրորդական ճանապարհները, մինչդեռ Մարտունու համայնքապետարանի սուղ ֆինանսական հնարավորությունները թույլ չեն տալիս ասֆալտապատելու և բարեկարգելու անգամ քաղաքի գլխավոր փողոցները:
Նման պայմաններում Մարտունու համայնքապետարանի համար ֆինանսական միջոցների խնայման միակ ուղին մնում էՄարտունու համայնքապետարանի ենթակայության ՀՈԱԿ-ների՝ թվով 4 մանկապարտեզների, երաժշտական դպրոցի, մարզադպրոցի, արվեստի դպրոցի, հանրային գրադարանի փակումը, որի արդյունքում 200-ից ավելի աշխատակիցներ կհամալրեն գործազուրկների շարքերը:
Նշենք նաև, որ Մարտունու համայնքապետարանը բյուջեի սեփական եկամուտների հավաքագրումը կատարում է 100 և ավել տոկոսով:
Այս իրավիճակում հարցի լուծման ճիշտ ուղին մեր կարծիքով մնում է պետական բյուջեից համահարթեցման նպատակով տրվող դոտացիայի արդարացի բաշխումը, բաշխումը ոչ թե բնակիչների քանակը, այլ համայնքապետարանների ենթակայությամբ գործող ՀՈԱԿ-ների և դրանց աշխատակիցների քանակը հաշվի առնելով: Հարցին ճիշտ, արդարացի և արդյունավետ լուծում տալու համար:
ՈՒղերձով դիմել Հայաստանի Հանրապետության վարչապետ պարոն Նիկոլ Փաշինյանին և խնդրել միջոցներ ձեռնարկել ավելացնելու ՀՀ Գեղարքունիքի մարզի Մարտունու համայնքապետարանին պետական բյուջեից համահարթեցման նպատակով հատկացվող դոտացիայի չափը՝ ՀՈԱԿ-ների լուծարման անցանկալի հետևանքներից խուսափելու և Մարտունի քաղաքը բարեկարգ տեսքի բերելու համար: